Lluniau Eisteddfod Ffermwyr Ifanc 2022

22 Tachwedd 2022

Cynhaliwyd Eisteddfod CFfI Cymru 2022 yn Ysgol Bro Gwaun, Abergwaun, ddydd Sadwrn, Tachwedd 19 - y tro cyntaf mewn 10 mlynedd i'r eisteddfod gael ei chynnal yn y dref.

Ffederasiwn Sir Benfro oedd gwesteion yr eisteddfod eleni a Cheredigion oedd yr enillwyr terfynol. Llongyfarchiadau i bawb a gystadlodd!

Meim fuddugol CFfI Eryri — Disgrifiad o’r llun,
Does dim rhaid gallu canu i ddod i'r brig! Clwb Ffermwyr Ifanc Eryri ddaeth yn fuddugol ar y gystadleuaeth meimio

Mred Fflur Jones a Lisa Angharad Evans — Disgrifiad o’r llun,
Mared Fflur Jones, Meirionnydd, enillydd y Goron o waith Eifion Thomas a Lisa Angharad Evans, Eryri, enillydd y Gadair, a ddyluniwyd gan Tomos Lewis. Tir a Môr oedd y thema gyda'r gadair wedi ei hysbrydoli gan garreg Waldo a charthen Melin Tregwynt yn rhan o'r dyluniad sy'n adlewyrchu lliwiau Sir Benfro, glas a melyn.

Dadorchuddio cadair a choron Eisteddfod CFfI Cymru

Seremoni coroni a chadeirio — Disgrifiad o’r llun,
Siôn Jenkins yn arwain seremoni’r cadeirio a choroni

Deuawd gyda sgarff Yma o Hyd — Disgrifiad o’r llun,
Deuawd ddoniol Clwyd - dim gwobrau am ddyfalu beth oedd yr ysbrydoliaeth!

Tri chystadleuydd yn aros i fynd ar y llwyfan — Disgrifiad o’r llun,
Yr aros nerfus i fynd ar y llwyfan...

Cofleidiad rhwng beirniad ac enillydd cystadleuaeth y Sioe Gerdd, Teleri Haf Thomas. — Disgrifiad o’r llun,
Coflaid gan y beirniad i enillydd cystadleuaeth y Sioe Gerdd, Teleri Haf Thomas

Triawd doniol buddugol Sir Gâr. — Disgrifiad o’r llun,
Triawd Sir Gâr oedd y triawd doniol buddugol

Beca Dwyryd gyda'i gwobr — Disgrifiad o’r llun,
Beca Dwyryd, Eryri, a enillodd Gwpan Joy Cornock oedd yn mynd i'r unigolyn mwyaf addawol yn holl gystadlaethau'r Eisteddfod

Dylan Parry Jones gyda'i wobr — Disgrifiad o’r llun,
Dyfan Parry Jones, Maldwyn, enillydd Cwpan Ardudwy am Unawdydd Gorau yn yr Adran Gerddoriaeth

Parti deulais yn canu — Disgrifiad o’r llun,
Daeth parti deulais CFfI Sir Gâr yn fuddugol

Esyllt a Ffion Thomas ar y llwyfan — Disgrifiad o’r llun,
Esyllt a Ffion Thomas, Sir Benfro, oedd enillwyr y ddeuawd

Côr Sir Benfro — Disgrifiad o’r llun,
Y côr lleol, Côr Sir Benfro, yn cloi'r cystadlu

CFfI Penybont, Sir Gâr yn datghlu ennill cysadleuaeth y Cor Cymysg. — Disgrifiad o’r llun,
CFfI Penybont, Sir Gâr yn dathlu ennill cystadleuaeth y côr cymysg

Llongyfarch cynrychiolydd o CFfI Ceredigion — Disgrifiad o’r llun,
Llongyfarch CFfI Ceredigion - enillwyr terfynol yr Eisteddfod

Gwen Edwards yn annerch ar y llwyfan — Disgrifiad o’r llun,
Is-Gadeirydd yr Eisteddfod, Gwen Edwards, yn dweud y diolchiadau ac yn croesawu'r Eisteddfod i Ynys Môn y flwyddyn nesaf

Camera yn ffilmio'r llwyfan — Disgrifiad o’r llun,
Darlledwyd yr eisteddfod ar S4C ac mae ar gael i wylio nôl ar S4C Clic am 147 o ddyddiau

Hefyd o ddiddordeb:

Pynciau cysylltiedig