Heddlu De Cymru

Twitter

Gyda cymaint o bobl yn gorfod gweithio o adref ar hyn o bryd, gan gynyddu'r defnydd o'r rhwydwaith Wi-Fi, roedd na sawl awgrym ar raglen Dros Ginio heddiw am ffyrdd o wella'r sefyllfa.

Mae cwmni Boots wedi ymateb i'r feirniadaeth o'u harfer o godi ffi am ddosbarthu meddyginiaethau.

Yn gynharach ddydd Mercher roedd Gweinidog Iechyd Cymru Vaughan Gething wedi galw ar fferyllfeydd i beidio â chodi ffioedd dosbarthu ar feddyginiaeth.

Mewn datganiad, dywedodd Boots nad oedd y ffioedd yn cael eu codi ar gwsmeriaid dros 70 oed neu os oeddynt yn dioddef o broblemau iechyd hirdymor a sylweddol, os oeddynt yn hunan ynysu.

Dywedodd y cwmni fod eu fferyllwyr wedi gweld galw anferth am eu gwasanaeth yn ystod argyfwng coronafeirws, a'u bod yn blaenoriaethu'r gwasanaeth i'r rhai oedd gyda gwir angen ac yn hunan ynysu.

Ffynhonnell y llun, Getty Images

Twitter

Twitter

Mae Comisiynydd Heddlu a Throsedd Dyfed-Powys yn dweud fod rhai o'i swyddogion bellach yn medru cael prawf am coronafeirws, a bod mwy am ddilyn.

Mae Gwasanaeth Crwner Gwent wedi cyhoeddi y bydd unrhyw gwest oedd wedi ei restru i gael ei gynnal yn y dyfodol agos yn cael ei ohirio am y tro.

Bydd sawl cwest byr yn mynd yn eu blaen, ond ni fydd modd i deuluoedd y rhai fu farw fod yno.

Twitter

Mae rhieni plant ag anghenion ychwanegol yn poeni sut maen nhw yn mynd i ymdopi tra bydd ysgolion ar gau, am nad oes llawer o gymorth ychwanegol ar gael iddyn nhw.

Mae ysgolion a meithrinfeydd ar gau i bob disgybl, ar wahân i blant gweithwyr allweddol.

Mae hyn yn cynnwys plant ag anghenion ychwanegol.

Mae rhagor am brofiadau dwy fam ar ein hafan.

Ffynhonnell y llun, Llun teulu

Twitter

Llywodraeth Cymru

Mae'r cyngor yn cynnwys hunan ynysu pan mae'n briodol, archebu unrhyw gyffuriau yn gynt na'r arfer ac ymbellhau cymdeithasol os oes rhaid mynd i'r fferyllfa.

Mae Consortiwm Masnach Cymru yn dweud ei fod yn "siomedig iawn" bod gweinidogion Cymru wedi gwneud tro pedol ar addewid i leihau cyfraddau busnes i'r sector gyfan yn sgil coronafeirws.

Yn wreiddiol fe wnaeth Cymru ddilyn Lloegr gan ddweud y byddai'n lleihau cyfraddau busnes i bob cwmni hamdden, masnach a lletygarwch am 12 mis.

Ond neithiwr fe wnaeth Llywodraeth Cymru gyhoeddi na fyddan nhw'n lleihau cyfraddau i "gyfran fechan" o fusnesau - rheiny sydd gwerth dros £500,000.

Dywedodd y consortiwm bod nifer o fusnesau eisoes wedi rhoi cynllun mewn lle ar sail datganiad gwreiddiol Llywodraeth Cymru.

Llywodraeth Cymru

Mae cynghorau Cymru'n dweud y bydd angen cymryd camau gorfodaeth ar dafarnau a bariau sy'n parhau i agor yn groes i rybuddion am golli trwyddedau.

Gallai dorri rheolau iechyd cyhoeddus arwain at ddirwyon trwm hefyd yn wyneb ymlediad coronafeirws.

Mae Cyngor Rhondda Cynon Taf wedi dweud ei fod yn gweithredu yn erbyn nifer o fusnesau sydd wedi parhau i fod ar agor yn groes i reolau newydd sy'n gorfodi busnesau i gau.

Dywed Cyngor Blaenau Gwent fod yr awdurdod wedi derbyn cwynion am naw busnes oedd yn parhau ar agor, ac fe ddywedodd Cyngor Powys ei fod yn cymryd camau gorfodaeth gyda Heddlu Dyfed Powys.

Mae Cyngor Ynys Môn yn dweud fod swyddogion yn ymwybodol o chwe busnes gyda thrwydded alcohol oedd ar agor ar yr ynys ddoe.

Mae swyddogion yn ysgrifennu at dafarndai a bwytai i'w hatgoffa o'r gorchymyn iechyd cyhoeddus sydd mewn grym.

Ffynhonnell y llun, Getty Images

Twitter

Gyda'r ysgolion ar gau a phlant adref am gyfnod hir, mae Heddlu'r De ymysg y nifer o gyrff cyhoeddus sydd yn cynnig syniadau am ffyrdd i'w difyrru.

Dywedodd prif weinidog y DU, Boris Johnson wrth AS Ceredigion fod "byddin o wirfoddolwyr" yn barod i fynd â cyflenwaday bwyd i bobl fregus.

Yn sesiwn holi'r prif weinidog, dywedodd Ben Lake fod cwpwl oedrannus yn ei etholaeth wedi dweud wrtho nad oedd modd i archarfarchnad ddod â bwyd iddyn nhw tan ganol Ebrill.

Atebodd Mr Johnson: "Rwy'n cael ar ddeall bod byddin o wirfoddolwyr lleol sy'n mynd i fynd â chyflenwadau bwyd, ond os hoffai gyfathrebu'r achos penodol yna i ni, fe wnawn ni ei ystyried."

Ychwanegodd Mr Lake fod pobl fregus mewn ardaloedd gwledig angen cael blaenoriaeth ar gyflenwadau bwyd.

Twitter

Os nad ydy'r neges wedi bod yn ddigon eglur i bobl erbyn hyn, dyma neges gan staff rheng flaen Bwrdd Iechyd Betsi Cadwaladr am yr hyn sydd angen ei wneud...

Mae'r gweinidog addysg Kirsty Williams wedi rhybuddio prifysgolion na ddylen nhw fod yn rhoi mwy o gynigion diamod oherwydd y sefyllfa coronafeirws.

Mewn llythyr at y gwasanaeth mynediad i brifysgolion UCAS dywedodd: "Nid wyf yn credu bod unrhyw reswm da i'r drefn mynediad arferol gael ei newid, nac i brifysgolion ddechrau gwneud cynigion diamod.

"Rwy'n bryderus y galli hyn rio pwysau ar ddarpar fyryrwyr i dderbyn cynigion o'r fath [mewn brys]."

Twitter

Twitter

Wrth i'r Adran Gwaith a Phensiynau weld cynnydd sylweddol yn nifer y bobl sy'n gwneud cais am Gredyd Cynhwysol yn ystod yr argyfwng cornoafeirws, mae'r adran yn dweud fod cyngor ar gael am effaith yr haint ar fudd-daliadau.

Iechyd Cyhoeddus Cymru

Mae Iechyd Cyhoeddus Cymru wedi cadarnhau bod pum person arall yng Nghymru wedi marw ar ôl cael Covid-19.

Mae'r marwolaethau yn ystod y 24 awr ddiwethaf yn golygu bod 22 wedi marw yma bellach.

Mae 150 o achosion newydd wedi'u cadarnhau hefyd, gan ddod â'r cyfanswm i 628.

Mae'r corff yn cydnabod fod nifer yr achosion yn uwch mewn gwirionedd gan nad yw pobl sy'n hunan ynysu yn cael eu profi.