'Nofio yn y môr yn codi ti pan ma' bywyd yn galed'

Mae bywyd yn gallu bod yn anodd i Baden Meredith, cyn-filwr o ardal Abertawe.

Ond un peth sy'n codi ei galon yw nofio yn y môr fore Sul gyda chyn-filwyr eraill.

Ar hyn o bryd mae ymchwilwyr ym Mhrifysgol Abertawe yn ceisio canfod beth yw effaith nofio yn y môr ar PTSD.

I Baden Meredith mae'n brofiad arbennig: "Mae'n codi rhywun wedi cyfnod anodd.

"Ma' fe'n twymo dy galon a dwi'n meddwl [ar ddydd Sadwrn] un diwrnod arall cyn bo fi'n cael mynd i'r môr a siarad â'r bois."