Cymru ar eu cryfaf gyda Jess Fishlock - James

Mae rheolwr Cymru Rhian Wilkinson wedi cadarnhau y bydd Jess Fishlock yn yr 11 fydd yn dechrau'r gêm hollbwysig yn erbyn Slofacia nos Fawrth.

Daeth Fishlock, sydd wedi ennill y nifer fwyaf o gapiau a sgorio’r nifer fwyaf o goliau dros Gymru, ar y cae fel eilydd yn y golled o 2-1 nos Wener yn Poprad.

Bydd yn rhaid i dîm Wilkinson ennill nos Fawrth i gadw’r freuddwyd o gyrraedd Euro 2025 yn y Swistir yn fyw.

Dywedodd capten Cymru, Angharad James wrth BBC Cymru fod y tîm ar ei gryfaf pan mae Fishlock ar y cae.