Cynllun sydd mewn peryg o ddiflannu yn 'amhrisiadwy' i fam

Fe allai cynllun "amhrisiadwy" sy'n helpu mamau yn y gogledd i fwydo o'r fron ddod i ben fis nesaf.

Dechreuodd y cynllun peilot yn Ysbyty Maelor, Wrecsam yn 2021 a'i ymestyn i Ysbyty Glan Clwyd yn 2023.

Ond mae wedi dod i'r amlwg fod staff wedi cael gwybod y bydd eu cytundebau yn dod i ben fis Mawrth.

Mae Sioned Davies, 40, mam i ddau o blant o Lanferres Sir Ddinbych, yn dweud fod y gwasanaeth wedi bod yn "hollbwysig" iddi ar ôl i'w hail blentyn gael ei eni chwe wythnos yn gynnar.

Dywedodd llefarydd ar ran bwrdd iechyd y gogledd eu bod yn edrych ar "gynlluniau hirdymor ar gyfer y gwasanaeth".