'Swreal' bod mor uchel yng nghynghrair pêl-droed ffantasi

Mae'r Cymro sy'n 15fed ym mhrif gynghrair pêl-droed ffantasi, neu fantasy football, wedi rhannu ei hanes a rhywfaint o gyngor gyda BBC Cymru Fyw.

Mae FPL yn hynod o boblogaidd gyda bron i 11 miliwn o bobl yn ei chwarae ar draws y byd.

Geraint Owen - sydd hefyd yn newyddiadurwr gyda BBC Cymru - sydd ar frig y gynghrair yng Nghymru gydag un set o gemau yn weddill yn yr Uwch Gynghrair.

Dywedodd ei fod yn "deimlad eitha' swreal bod mor uchel yn y gêm" ond nad oedd yn credu y byddai'r llwyddiant yn parhau'r tymor nesaf.