Ydy hi'n dderbyniol canu yn y sinema?

Ydy hi'n dderbyniol canu gyda ffilmiau yn y sinema - ynteu a yw hynny'n amharu'n ormodol ar bobl eraill?

Dyna ddadl sydd wedi dod i'r amlwg wrth i ddwy ffilm boblogaidd sydd â chaneuon ynddynt ddod i sinemâu ar draws y byd.

Mae un ohonynt - Wicked - yn un o'r sioeau cerdd mwya' llwyddiannus erioed, felly does dim rhyfedd fod llawer o'r gynulleidfa yn adnabod y caneuon.

Ac mae un o sêr mwya' Hollywood - Dwayne 'The Rock' Johnson - wedi dweud bod croeso i gynulleidfaoedd ganu gyda ffilm Moana 2 y mae'n serennu ynddi.

Ond beth yw barn ffans Wicked gyda'r awgrym? Rheon Llugwy o Fangor, sy'n ffan mawr o sioeau cerdd, fu'n rhoi ei farn ar Dros Frecwast.