Pam bod dartiau'n taro'r nod gyda phobl ifanc?

Mae nifer y bobl ifanc sy'n chwarae dartiau wedi dyblu yn ystod y flwyddyn ddiwethaf, yn ôl sefydliad dartiau.

Mae Corfforaeth Dartiau Ieuenctid y JDC yng Nghymru yn honni fod dartiau'n un o'r campau sy'n tyfu gyflymaf ymysg pobl ifanc.

Mae clwb dartiau ieuenctid newydd yng Ngwalchmai ar Ynys Môn yn gweld llu o blant a phobl ifanc yn cyfarfod yn wythnosol i chwarae'r gamp.

Bu'r clwb yn llwyddiannus eleni wrth iddyn nhw ennill yng nghynghrair dartiau Caergybi.