Y Coridor Ansicrwydd: Wilson yn 'troi popeth yn aur'

Mae Harry Wilson yn agosáu at lefel Gareth Bale o ran safon ei goliau a'i ddylanwad ar dîm pêl-droed Cymru, yn ôl Owain Tudur Jones a Malcolm Allen.

Sgoriodd Wilson ei bedwaredd gôl o'r ymgyrch nos Fawrth wrth i Gymru guro Gwlad yr Iâ o 4-1 a sicrhau dyrchafiad i Adran A Cynghrair y Cenhedloedd drwy orffen ar frig eu grŵp.

"Mae ei gatalog o gôls yn cyrraedd lefel Gareth Bale," meddai Jones.

Ategodd Allen: "Beth bynnag mae o'n ei gyffwrdd, mae o'n troi o i mewn i aur."