Y Coridor Ansicrwydd: Joe Allen nôl i Gymru?
Mae'n ymddangos bod rheolwr Cymru Craig Bellamy yn awyddus i weld Joe Allen yn gwisgo'r crys coch unwaith eto.
Penderfynodd Allen, 34, ymddeol o bêl-droed rhyngwladol ym mis Chwefror 2023 er mwyn canolbwyntio ar chwarae i'w glwb Abertawe.
Ond mae Bellamy, sydd wedi bod wrth y llyw ers mis Gorffennaf, wedi agor y drws iddo ddychwelyd i'r garfan ar gyfer y ddwy gêm yn erbyn Gwlad yr Iâ a Montenegro yng Nghynghrair y Cenhedloedd fis nesaf.
Mae'r datblygiad annisgwyl yma wedi cael sêl bendith cyn-chwaraewyr Cymru Owain Tudur Jones a Malcolm Allen ar bennod ddiweddaraf Y Coridor Ansicrwydd.