Y Coridor Ansicrwydd: Problemau sgorio Abertawe - pwy sydd ar fai?
Dydy cyn-chwaraewr canol cae Abertawe, Owain Tudur Jones, ddim yn beio’r prif hyfforddwr Luke Williams am eu problemau diweddar o flaen y gôl.
Dyw'r Elyrch ddim wedi sgorio yn eu pum gêm ddiwethaf – eu rhediad gwaethaf o flaen gôl ers 1996 – ac oherwydd hynny maen nhw wedi llithro i’r 17eg safle yn y Bencampwriaeth.
Wrth siarad ar y bennod ddiweddaraf o’r Coridor Ansicrwydd dywed Owain y dylai’r bwrdd rheoli fod wedi buddsoddi’n well yn y garfan dros yr haf.
Mae hefyd yn cwestiynu a yw rhai chwaraewyr gafodd eu harwyddo yn ddigon da i chwarae i’r clwb.