Cymru'n barod am awyrgylch tanllyd Twrci - Ben Davies

Mae Ben Davies yn hyderus y bydd Cymru yn llwyddo i ymdopi gyda’r awyrgylch tanllyd yn Kayseri pan fydden nhw’n wynebu Twrci yng Nghynghrair y Cenhedloedd ddydd Sadwrn.

Mae angen i Gymru osgoi colli’r gêm i gadw eu gobeithion o ennill dyrchafiad i Adran A Cynghrair y Cenhedloedd yn fyw.

Dyw’r ymosodwr Kieffer Moore ddim ar gael oherwydd anaf i’w goes, ond mae asgellwr Leeds United Dan James yn dychwelyd i’r garfan.