Y Coridor Ansicrwydd: A fydd Page yn aros fel rheolwr?

Mae hi wedi bod yn wythnos i'w anghofio i dîm pêl-droed Cymru.

Yn gyntaf, gêm gyfartal gywilyddus yn erbyn Gibraltar, sydd yn rhif 203 ar restr detholion y byd, ac yna colli o 4-0 oddi cartref i Slofacia.

Er mai gemau cyfeillgar ar ddiwedd tymor hir oedd y rhain, mae ymateb y cefnogwyr wedi bod yn chwyrn tu hwnt.

Mae Owain Tudur Jones a Malcolm Allen yn credu dylai Page gadw ei swydd ond maen nhw'n ofni y bydd Cymdeithas Bêl-droed Cymru yn gwrando ar farn y cefnogwyr.

"Unwaith mae'r cefnogwyr yn troi, ti mewn trwbl," meddai Owain.