'Roedd o'n dorcalonnus gweld y siop dan ddŵr'

Mae trigolion Llanrwst yn dechrau ar y gwaith clirio yn dilyn llifogydd sylweddol yn y dref dros y penwythnos.

Yn eu plith mae Rhiannon Roberts, sy'n rhedeg siop flodau, ddywedodd ei bod hi'n "dorcalonnus" pan sylweddolodd hi ar y difrod a hithau ond ychydig ddyddiau cyn Dydd Sant Ffolant.

Ychwanegodd Osian Deiniol o gwmni Blas Ar Fwyd fod y dŵr wedi difetha llawer o'u stoc yn oergelloedd y siop.