Batman yn dod â gwên i wynebau pobl Y Bala

Mae o wedi bod yn gefn ar adegau anodd i gymunedau o Gotham City i Peckham, ac rŵan mae Batman yn codi calonnau yn Y Bala hefyd.

Mae'r arch-arwr wedi camu i'r adwy yn ystod yr argyfwng coronafeirws i roi gwên ar wynebau trigolion stad Yr Hafan yn y dref.

Wayne Evans ydy enw go iawn yr arwr yma - nid Bruce Wayne, fel yn yr hen gyfres deledu - a Ceri Owen, nid Robin, ydy enw ei bartner.