'Mae'n anodd credu bo' fi byth yn mynd i weld o eto'

Yn Llys y Goron Abertawe mae Andrew Jones wedi ei gael yn euog o lofruddio Michael O'Leary.

Roedd Mr O'Leary yn gymeriad poblogaidd yn ardal Caerfyrddin ac yn weithgar gyda chlwb rygbi Nantgaredig.

Nid yw'r heddlu wedi dod o hyd i'w gorff ers ei ddiflaniad ym mis Ionawr eleni.

Un oedd yn ei adnabod yn dda oedd yr actor a'r cyflwynydd teledu Julian Lewis Jones.