Pasys Covid: 'Sefyllfa anodd i ni'

Mae'n ofynnol bellach i bob person dros 18 oed ddangos pàs Covid os ydyn nhw am fynd i weld cyngerdd, ffilm mewn sinema neu ddrama mewn theatr.

Fe ddaeth y rheolau newydd i rym ddydd Llun.

Yng Nghastell-nedd, mae cwmni Theatr Fach y dre wedi bod yn ymarfer ar gyfer perfformiad o Happiest Days of your Life.

Mae Steffan Lloyd yn chwarae rhan Tassell, ac er yn croesawu’r pàs mae'n bryderus am effaith y cynllun ar aelodau hŷn y gynulleidfa.