Dathlu ar draws y wlad wrth i Gymru gyrraedd Cwpan y Byd

Mae Cymru gyfan yn gorfoleddu ar ôl sicrhau lle yng Nghwpan y Byd Qatar 2022.

Fe wnaeth y fuddugoliaeth o 1-0 yn erbyn Wcráin nos Sul greu hanes gyda Chymru'n cyrraedd y rowndiau terfynol am y tro cyntaf ers 1958.

Roedd hi'n brynhawn emosiynol yn y brifddinas gydag 'Yma o Hyd' yn atseinio rhwng cefnogwyr Cymru ac Wcráin.

Roedd dathlu ar draws y wlad hefyd wrth i gefnogwyr lenwi eu cartrefi a thafarndai i wylio'r gêm hanesyddol.