Ydych chi'n chwilio am y pris rhataf wrth brynu tanwydd?

Mae garejys bach annibynnol yn gwerthu tanwydd yn rhatach na rhai archfarchnadoedd erbyn hyn, mewn rhai rhannau o Gymru.

Dyna gasgliad gwaith ymchwil gan yr RAC sydd yn dweud nad yw "prisiau petrol wedi gostwng yn ddigonol".

Yn ôl Siôn Jones, Rheolwr Valley Services yn Llandysul, mae pobl erbyn hyn yn cymharu prisiau lleol cyn prynu tanwydd.

"Sdim dowt. Os mae rhywun yn rhatach lawr yr hewl, mae'n sales ni yn cwympo wedyn.

"Nôl ym mis Awst ni oedd un o'r rhai rhataf yn yr ardal a fuon ni yn ddigon prysur pryd 'ny. Mae'n rhaid cadw golwg ar y cystadleuwyr!"