'Caernarfon yn berffaith!' Cofio Phil Wyman
Mae teyrngedau wedi'u rhoi i Phil Wyman, ar ôl marwolaeth sydyn yr Americanwr dros y penwythnos.
Bu farw Phil Wyman, a oedd yn gweithio yn eglwys Caersalem yng Nghaernarfon, wedi iddo gymryd rhan mewn noson yng Ngŵyl y Gelli.
Roedd wedi dod i'r DU ar fisa cenhadwr ac wedi ymgartrefu yn nhre'r Cofis ers ychydig dros flwyddyn.
Wrth siarad â Cymru Fyw y llynedd, dywedodd Mr Wyman ei fod wedi "syrthio mewn cariad efo Cymru, efo Caernarfon ac efo'r Gymraeg hefyd".
Dyma fideo o Mr Wyman yn adrodd ei stori i Cymru Fyw ym mis Hydref 2022.