Mordaith Pen Llŷn Aled Hughes
"Mae o wedi bod yn brofiad eithaf emosiynol gweld rwla cyfarwydd o safbwynt hollol wahanol… Does 'na ddim llawer o bobl wedi gweld tu blaen Penrhyn Llŷn fel hyn."
Dyna eiriau Aled Hughes wrth iddo edrych o'r Swnt tuag Ynys Enlli o gwch mewn rhaglen arbennig ar BBC Radio Cymru o flaen Eisteddfod Llŷn ac Eifionydd 2023.
Ym Mordaith Pen Llŷn Aled Hughes mae'r cyflwynydd, sy'n wreiddiol o Lanbedrog ger Pwllheli, yn ein tywys ar fordaith ar hyd un o arfordiroedd difyrraf Cymru, ac un sydd yn agos iawn at ei galon.
Dyma ragflas o'r gyfres.