Cwestiynau cyflym i gapten Cymru, Jac Morgan

Mae Warren Gatland wedi enwi Jac Morgan fel capten unwaith eto ar gyfer gêm baratoadol olaf Cymru cyn Cwpan Rygbi'r Byd.

Fe fydd Morgan yn arwain y tîm yn erbyn De Affrica yn Stadiwm Principality ddydd Sadwrn - yr eildro iddo wneud hynny.

Yn dilyn yr ornest yn erbyn y Springboks, bydd Gatland yn enwi ei garfan yr wythnos nesaf fydd yn teithio fis Medi i'r twrnament yn Ffrainc.

Mae Morgan yn un o'r rheiny sy'n sicr o'u lle ar yr awyren, a chyn y gêm yng Nghaerdydd bu'n ateb cwestiynau cyflym Chwaraeon BBC Cymru.