Lorg air draibhear bha ga shireadh an dèidh do chàr a dhol a-steach a dh'Abhainn Narann
Tha dùil gur e fear Màrtainn Hannah a bha a' dràibheadh a' chàir
- Air fhoillseachadh
Tha Poilis a bha a' sireadh dràibheir chàir a chaidh a-steach do dh'Abhainn Narann madainn Dihaoine ag ràdh gun deach lorg fhaighinn air.
Chaidh na seirbheisean èiginn a ghairm chun na làraich, mu dhà mhìle deas air Inbhir Narainn faisg air Drochaid Howford, goirid as dèidh 09:00m.
Tha dùil gur e fear Màrtainn Hannah, 59, a bha a' dràibheadh a chàir.
Chaidh aon duine, a bha a' siubhal anns a' chàr, a thoirt gu Ospadal an Ràthaig Mhòir ann an Inbhir Nis.
Chan eil fhios fhathast dè an staid anns a bheil iad.
Thuirt na Poilis na bu tràithe gun robh an draibhear air an làrach fhàgail mus do ràinig iad.
Tha sgiobaidhean nam Maor-cladaich, an dà chuid air tìr agus ann an heileacoptair, air a bhith a' dèanamh sgrùdaidh ann an Abhainn Narann.