Tân Caernarfon: 'Mwg yn llifo o'r adeilad'

Mae'r gwasanaethau brys wedi bod yn delio gyda thân mewn siop yng nghanol Caernarfon fore Llun.

Cafodd y gwasanaeth tân a'r gwasanaeth ambiwlans eu galw i'r digwyddiad ar Stryd Y Llyn ychydig cyn 09:00.

Dywedodd John Williams, sy'n gweithio mewn siop arall ar y stryd, bod mwg yn "llifo o'r adeilad".

Cadarnhaodd Geraint Hughes o'r gwasanaeth tân y byddai diffoddwyr yn parhau ar y safle am rai oriau.