Diffyg datganoli yn 'creu ffiniau anghyfleus iawn'
Mae hi'n fwy anodd atal troseddu yng Nghymru oherwydd nad ydi'r system gyfiawnder wedi ei datganoli, yn ôl Cwnsler Cyffredinol Cymru.
Dywedodd yr Aelod Cynulliad Jeremy Miles y dylid symud y cyfrifoldeb am garchardai, plismona a'r gwasanaeth prawf o San Steffan i'r Cynulliad Cenedlaethol.
Ychwanegodd fod y ffaith nad yw'r system gyfiawnder wedi ei ddatganoli yn creu "ffiniau anghyfleus iawn yn ymarferol".