'Rhwng dwy a naw oed nes i orfod symud chwe gwaith'

Mae academydd blaenllaw wedi dweud ei fod e'n "pryderu" am nifer y plant yng Nghymru sydd mewn gofal.

Cymru sydd â'r gyfradd uchaf o blant yn derbyn gofal i ffwrdd o'u cartrefi a gan y wladwriaeth o holl wledydd y Deyrnas Unedig, ac o bosibl yn y byd gorllewinol, yn ôl yr Athro Donald Forrester.

Yng Nghaergybi mae Angharad Roberts yn byw. Cafodd hi ei rhoi mewn gofal yn ddwy oed.

Mae'n un o saith plentyn, ac yn dweud er bod "llawer o gariad" gartref, "doedd mam a dad methu edrych ar ein holau ni".