Gwobrwyo enillydd Coron yr Urdd 2020/21

Mae'r pandemig wedi golygu nad oes seremonïau go iawn wedi eu cynnal i wobrwyo enillwyr prif wobrau ein heisteddfodau cenedlaethol yn 2020 na 2021.

Ond mae'r Urdd wedi penderfynu gwobrwyo'r bobl wnaeth gystadlu yn Eisteddfod yr Urdd 2020 mewn cyfres o seremonïau arbennig, a'u ffilmio nhw.

Bob dydd yr wythnos yma felly, fe fydd fideo o enillwyr y prif wobrau yn cael ei rhyddhau, a dyma'r cyntaf.

Enillydd Coron yr Urdd 2020/21 yw Megan Angharad Hunter o Benygroes, Dyffryn Nantlle yng Ngwynedd, a dyma'r foment y cafodd wybod am ei buddugoliaeth.