'Amser anodd iawn' i fandiau pres Cymru

Mae 'na bryder am ddyfodol bandiau pres yng Nghymru o ganlyniad i effeithiau tymor hir y pandemig.

Mae sawl un o fandiau pres ar draws Cymru wedi dweud wrth y BBC eu bod wedi colli llawer o chwaraewyr a bod llai o offerynwyr ifanc yn ymuno ers i Covid roi taw ar y chwarae.

Yn Wdig, Sir Benfro wrth i fand y dechreuwyr gwrdd eto ar ôl gorfod canslo sawl ymarfer yn dilyn achosion Covid, mae digon o sŵn i godi'r to.