Croesawu teulu o Wcráin i gartref yng Nghaerdydd

Mae Elin Edwards a'i theulu yng Nghaerdydd wedi croesawu mam a'i mab 10 oed o Wcráin i'w cartref yng Nghaerdydd.

Ar ôl ffoi o'u cartref yng ngogledd-ddwyrain y wlad, fe aeth y ddau i ddinas Lviv am fis cyn dod i Gymru brynhawn Sul.

Mae'r ddau wedi ymgartrefu ac wedi cael croeso mawr, gyda chymdogion yn dod â rhoddion a chynnig cymorth iddynt.

Mae'r fam a'r mab wedi gallu cwrdd â ffoaduriaid eraill yng Nghaerdydd hefyd, fel y dywedodd Ms Edwards ar Dros Frecwast.