Dathlu Tîm Cymru ar ôl Gemau'r Gymanwlad

Fe wnaeth pobl o bob oed ymgasglu wrth risiau'r Senedd brynhawn Gwener er mwyn croesawu athletwyr Tîm Cymru adref wedi Gemau'r Gymanwlad.

Ar ôl cipio 28 medal, dywed yr athletwyr ei bod hi mor bwysig cael cyfle i ddathlu eu llwyddiannau gyda'i gilydd.

Roedd hi hefyd yn gyfle arbennig i ddiolch i bawb y tu ôl i'r llenni, medd Capten Tîm Cymru Anwen Butten, o'r cefnogwyr i'r hyfforddwyr.