Cefnogwyr Cymru yn Qatar: 'Fi ffili credu bod ni 'ma!'

Mae cefnogwyr Cymru wedi dechrau cyrraedd Qatar yn eu miloedd er mwyn cefnogi'r tîm cenedlaethol ym mhencampwriaeth Cwpan y Byd.

Bydd chwaraewyr Robert Page yn wynebu'r Unol Daleithiau yng Ngrŵp B nos Lun - gêm gyntaf Cymru ar y llwyfan mwyaf ers 64 o flynyddoedd.

"Mae pawb wedi breuddwydio amdano ers mor hir," meddai Gareth Bale, wrth ddisgrifio'r teimlad "anhygoel" o fod wedi sicrhau lle yn y twrnamaint.

Ac o'r cyffro wrth i gefnogwyr lanio yn y maes awyr, mae'n amlwg eu bod hwythau hefyd yn falch iawn o fod yno.