Cymru 'mewn safle da' am ragor o bwyntiau - Colwill

Mae Cymru "mewn sefyllfa dda i allu cael mwy o bwyntiau yn y grŵp" yng Nghwpan y Byd yn ôl y chwaraewr ifanc, Rubin Colwill.

Wrth siarad gyda'r wasg yn Qatar, dywedodd bod y garfan wedi bod yn "ffodus" o gael pwynt yn erbyn UDA nos Lun mewn gêm gyfartal, yn dilyn hanner cyntaf siomedig.

"Mae'n result da i ni," dywedodd.

Wrth edrych at y gêm yn erbyn Iran ddydd Gwener, dywedodd Colwill y bydd yn "gêm bwysig ac ry'n ni eisiau ennill bob gêm".