Hafod Lon: 'Dwi mor falch bod fi yn yr ysgol 'ma'

Yn Ysgol Hafod Lon mae 117 o ddisgyblion yn derbyn addysg a phrofiadau bywyd er mwyn eu paratoi ar gyfer gyrfaoedd yn y gymuned leol.

Mae 'na bwyslais yma ar wella sgiliau cyfathrebu a gweithio mewn modd hyblyg a chreadigol wrth roi yr addysg orau posib.

Mae Guto ym Mlwyddyn 11, ac wrth dywys ein gohebydd Liam Evans o gwmpas mae'n dweud bod yr ysgol yn cynnig cyfleoedd heb eu hail.

"Dwi mor falch bod fi yn yr ysgol 'ma," meddai.