Nic Parry: 'Bydd torfeydd Bae Colwyn a'r Barri yn hwb'

Bydd ychwanegiad y ddau glwb sy'n denu'r torfeydd gorau ym mhêl-droed Cymru i brif haen y pyramid yn "hwb aruthrol" i'r uwch gynghrair.

Dyna farn un o brif leisiau'r bêl gron yng Nghymru wedi i Fae Colwyn a'r Barri sicrhau eu lle yn y Cymru Premier ar gyfer y tymor nesaf.

Dywedodd y sylwebydd Nic Parry y bydd croesawu Bae Colwyn i'r brif haen am y tro cyntaf yn "hwb aruthrol".

Ond ychwanegodd ei fod yn parhau yn siomedig gyda thorfeydd cyffredinol timau'r gynghrair.