50 mlynedd o werthu teganau ar Ynys Môn yn dod i ben
Yn 1968 roedd y Beatles ar frig y siartiau, Richard Nixon wedi ei ethol yn Arlywydd America a siop deganau LookAround yn Llangefni yn agor ei ddrysau am y tro cyntaf.
Dros hanner canrif yn ddiweddarach, mae John Hughes wedi gwerthu ei degan Nadolig olaf ac mae'r siop bellach wedi cau.
Mae sawl rheswm dros gau'r siop, ond mae John sy'n 81 oed yn pwysleisio ei fwriad i dreulio mwy o amser gyda'i deulu.
Wrth i'r silffoedd wagio, fe eisteddodd John i lawr gyda BBC Cymru Fyw i sôn am ei atgofion o redeg siop deganau yng nghanol tref Llangefni.