Y Coridor Ansicrwydd: Amser am dymor pêl-droed yr haf?

Mae angen ailwampio Uwch Gynghrair Cymru er mwyn rhoi "egni" newydd i'r gystadleuaeth, yn ôl Malcolm Allen ac Owain Tudur Jones.

Dywedodd y ddau ar bodlediad pêl-droed BBC Radio Cymru, Y Coridor Ansicrwydd, fod angen mwy na 12 tîm i gystadlu yn y gynghrair, a bod angen symud y tymor i chwarae dros fisoedd yr haf.

Cyn hir bydd Cymdeithas Bêl-droed Cymru yn cyhoeddi canlyniadau arolwg i'r strwythur presennol, sydd wedi bod mewn lle ers 2010.