Y Parchedig Pod: Dyrchafiad arall i Wrecsam?
Mae llwyddiant ysgubol Wrecsam yn parhau'r tymor yma wrth i dîm Phil Parkinson agosáu at frig yr Ail Adran a chyrraedd pedwaredd rownd Cwpan FA Lloegr.
Does ryfedd felly bod 'na wên fawr ar wyneb y cefnogwr brwd Alun Owens, sy'n ymuno gyda Malcolm Allen ac Owain Tudur Jones ar y bennod ddiweddaraf o Y Coridor Ansicrwydd.
Ar ôl gyrfa fel y Parchedig Pop, mae Alun yn fwy o Barchedig Pod y dyddiau yma wrth iddo yntau gyflwyno'r podlediad I Mewn i'r Gôl gyda dau gefnogwr Wrecsam arall.
Mae o'n ddigon hyderus i ddweud bod cyfle gwirioneddol i sicrhau ail ddyrchafiad yn olynol.