'Gutted' - Siom cefnogwyr ifanc wedi colled Cymru

Roedd yna ddiweddglo torcalonnus i ymgyrch Cymru i gyrraedd rowndiau terfynol Euro 2024 wrth i Wlad Pwyl eu trechu ar giciau o'r smotyn yn Stadiwm Dinas Caerdydd.

I rai o gefnogwyr ifanc Cymru yng Ngwersyll Chwaraeon Llangrannog ddydd Mercher, roedd 'na amheuon pan aeth y gêm i giciau o'r smotyn.

Dywedodd Efan ei fod yn fodlon gyda dewis Rob Page ar gyfer y tîm, ond yn siomedig gyda'r canlyniad.

"Gutted" oedd ymateb Ryan: "Sai'n credu o'dd Cymru wedi whare'n dda iawn - gallen nhw fod wedi 'neud mwy yn ymosodol."

Dywedodd Bleddyn bod y ddau dîm wedi "cystadlu'n dda", ond "o'dd rhaid i ni orffen chances ni".