'Gemau LHDTC+ yng Nghymru yn 'dangos bod chwaraeon i bawb'

Bydd twrnament aml-chwaraeon LHDTC+ mwyaf Ewrop yn dod i Gymru yn 2027.

Mae tîm Pride Sports Cymru, fu'n gyfrifol am y cais buddugol, yn dweud eu bod yn disgwyl i hyd at 10,000 o athletwyr ddod i gystadlu mewn 30 o wahanol gampau mewn lleoliadau ar draws Caerdydd.

Yn ôl y trefnwyr, ers ei sefydlu, mae'r twrnament wedi darparu "gofod saff" i ddegau o filoedd o athletwyr i gystadlu a dathlu amrywiaeth, cydraddoldeb a chynhwysiant trwy chwaraeon.

Mae Neil Roberts, sy'n aelod o dîm badminton LHDTC+ The Cardiff Red Kites, yn disgrifio hyn fel "newyddion arbennig".