Y Coridor Ansicrwydd: Fishlock yn ennill cap 150

Mae 'na lot o ganmoliaeth i Jess Fishlock gan Malcom Allen ac Owain Tudur Jones ar y bennod ddiweddaraf o'r Coridor Ansicrwydd.

Fishlock ydi'r chwaraewr cyntaf yn hanes Cymru i ennill 150 o gapiau.

Fe wnaeth hi lwyddo i gyrraedd y garreg filltir arbennig yn ystod y fuddugoliaeth o 6-0 yn erbyn Kosovo yn rowndiau rhagbrofol Euro 2025, gan greu gôl yr un i Rachel Rowe a Kayleigh Barton.

Cyn hynny fe sgoriodd ddwywaith yn erbyn Croatia ar Y Cae Ras wrth i Gymru ennill 4-0.