Glaw 'digynsail' yn difetha dechrau tymor criced y gogledd

Mae'r glaw trwm cyson wedi arwain at oedi dechrau'r tymor criced yn y gogledd.

Fel arfer, bydd y tymor criced yn cychwyn ar 20 Ebrill, ond oherwydd y glaw trwm dros gyfnod o sawl wythnos, nid yw'r caeau mewn cyflwr i allu chwarae gêm.

Mae rhai o gricedwyr y gogledd yn siomedig gyda'r penderfyniad i wthio'r tymor yn ei flaen.

Bydd Cynghrair Criced Gogledd Cymru yn cychwyn y tymor ar 4 Mai eleni gyda'r gobaith y bydd y pythefnos ychwanegol yn rhoi amser i'r clybiau i sicrhau fod y caeau yn barod i'r gemau.