Buddugoliaeth yn sicrhau lle Cymru yn rownd yr wyth olaf
Cymru'n ddi-guro mewn tair; Fiji wedi ennill un a cholli dwy
Tri diwrnod o seibiant cyn y gêm nesaf yn erbyn Uruguay ddydd Sul
BBC Cymru Fyw
Mewn gêm galed y canlyniad oedd yn bwysig.
Roedd y gêm yn llawn camgymeriadau, cardiau melyn a thaclo cryf, ond Cymru lwyddodd i ennill a sicrhau pwynt bonws a lle yn wyth olaf y gystadleuaeth.
Uruguay fydd nesaf a bydd Cymru Fyw unwaith eto yn barod gyda llif byw fore Sul.
Diolch am ymuno gyda ni heddiw.
Andrew Coombs
Cyn-glo Cymru
Mae Andrew Coombs yn disgwyl i Gymru wneud newidiadau i'r tîm i wynebu Uruguay ddydd Sul.
BBC Cymru Fyw
"Roedd rhaid i ni aros yn y gêm pan oedden ni 10-0 i lawr.
"Y neges oedd ceisio aros yn y gêm.
"Wnaethon ni ddim creu digon o gyfleoedd mewn gêm galed iawn.
"Roedd Josh Adams yn wych, roedd rhaid i ni gadw'r bêl a doedden ni ddim yn cicio ddigon da heddiw.
"Bydd y tîm meddygol yn gweithio'n galed yn y dyddiau nesaf rŵan gan mai dim ond pedwar diwrnod sydd yna nes i ni wynebu Uruguay," meddai.
Ffynhonnell y llun, Getty ImagesBBC Cymru Fyw
Alun Wyn Jones yn canmol Fiji yn dilyn gêm galed
"Mae lot i weithio arno ar ôl heddiw ond parch mawr am y ffordd wnaeth Fiji chwarae."
Ffynhonnell y llun, Getty ImagesBBC Cymru Fyw
Buddugoliaeth i Gymru yn golygu fod gwŷr Warren Gatland yn camu i rownd wyth olaf y gystadleuaeth.
Cymru 29-17 Fiji
BBC Cymru Fyw
Dyna ni, y chwiban olaf a buddugoliaeth i Gymru yn Oita
Cymru 29-17 Fiji
Emyr Lewis
Cyn-wythwr Cymru a sylwebydd Radio Cymru
"Fydd ‘na gyrff tost bore fory yng ngwesty tîm Cymru"
Cymru 29-17 Fiji
Dafydd Pritchard
Gohebydd chwaraeon yn Stadiwm Oita
Gyda phum munud yn weddill, mae'r fuddugoliaeth bron yn sicr i Gymru - ac mae'r pwynt bonws wedi'i sicrhau yn barod - ond mae'n anodd peidio edrych ar Jonathan Davies ar y fainc.
Mae'r canolwr yn edrych mor drist yn dilyn ei anaf.
Gareth Charles
Gohebydd Rygbi BBC Cymru
"Mae’r rhyddhad yn stadiwm Oita yn gwbl gwbl amlwg ar ol brwydr a hanner!"
Gareth Charles
Cymru 29-17 Fiji
BBC Cymru Fyw
Mae'r taclo'n dechrau troi'n ffyrnig yma yn Oita ac wrth i Liam Williams gael triniaeth ar drwyn gwaed.
BBC Cymru Fyw
Wyn Jones i ffwrdd am Rhys Carre
Jake Ball yn gadael ac Aaron Shingler yn camu ymlaen i'r maes.
BBC Cymru Fyw
Cais arall i Gymru a phwynt bonws yn y fargen.
Gareth Davies yn rhyddhau Liam Willams sy'n rhedeg yn gwbl rydd dan y pyst .
Patchell yn cicio'n gywir y tro hwn ac agor mantais o 12 pwynt i Gymru.
Ffynhonnell y llun, Getty ImagesCymru 22-17 Fiji
Dafydd Pritchard
Gohebydd chwaraeon yn Stadiwm Oita
Mae Jonathan Davies yn edrych yn hollol ddigalon ar fainc Cymru.
Byse'n drychinebus i Gymru tase'r canolwr ddim ar gael am amser hir.
Davies yw un o ganolwyr gorau'r byd ac, heb law am Alun Wyn Jones, efallai fe yw chwaraewyr pwysicaf Cymru.
Cymru 22-17 Fiji
BBC Cymru Fyw
Pas ardderchog gan Jonathan Davies yn rhyddhau Josh Adams sy'n croesi unwaith eto am ei drydedd cais o'r gêm wedi 61 munud.
Patchell yn taro'r postyn gyda'r trosiad, felly pum pwynt o fantais i Gymru.
Ffynhonnell y llun, Getty Images
BBC Radio Cymru
Mae Derwyn Jones ar Radio Cymru yn hapus gyda Rhys Patchell:
"Mae Patchell wedi dechrau'r gêm yma yn union fel orffennodd y gêm ddiwethaf yn erbyn Awstralia. Cicio gwych gan Patchell."
Cymru 17-17 Fiji
BBC Cymru Fyw
Cyfraniad cyntaf Rhys Patchell oedd cicio'r bêl rhwng y pyst o 42m i ddod a'r sgor yn gyfartal.
Cymru 14-17 Fiji
Dafydd Pritchard
Gohebydd chwaraeon yn Stadiwm Oita
Roedd hwna'n edrych yn erchyll i Dan Biggar wrth i Liam Williams daro mewn iddo'n ddamweiniol.
Cymru 14-17 Fiji
BBC Cymru Fyw
Unwaith eto yn y gystadleuaeth mae Dan Biggar wedi anafu ei ben yn dilyn gwrthdrawiad gyda Liam WIlliams.
Mae Rhys Patchell newydd gamu ymlaen yn ei le wedi 55 munud.
Ffynhonnell y llun, Getty ImagesCymru 14-17 Fiji
BBC Cymru Fyw
Cais gôsb i Fiji. Mae'r dyfarnwr wedi rhedeg dan y pyst a rhoi cais gosb yn dilyn trosedd gan Gymru.
Mae Fiji yn ôl ar y blaen.
BBC Radio Cymru
"Galle'r ddeng munud nesa fod yn dyngedfenol i obeithion Cymru o ennill y gêm" medd Derwyn Jones ar Radio Cymru