Grŵp B: Lloegr, Iran, UDA, CYMRU/ALBAN/WCRÁIN
Yr enwau wedi'u tynnu o'r het mewn seremoni yn Doha ar gyfer Cwpan y Byd Fifa Qatar 2022
Bydd Cymru yn wynebu'r Alban neu Wcráin - fwy na thebyg ym mis Mehefin - am le yn Qatar
Bydd y gystadleuaeth yn cael ei chynnal o 21 Tachwedd tan 18 Rhagfyr
Diolch o galon i chi am ddilyn ein llif byw arbennig heddiw.
Bydd Cymru yn wynebu Lloegr(!), Iran a'r UDA os y byddan nhw'n sicrhau lle yng Nghwpan y Byd Qatar eleni.
Darllenwch y stori'n llawn yma.
Yn y cyfamser, bydd y golygon yn troi at y gêm dyngedfennol honno yn erbyn un ai'r Alban neu Wcráin ym mis Mehefin. Allwn ni ddim disgwyl!
Mwynhewch eich penwythnos.
Qatar ydy'r wlad leiaf erioed i gynnal Cwpan y Byd - mae'n 11,500km2, sydd ychydig dros hanner maint Cymru.
Ond mewn gwirionedd mae'r rhan fwyaf o'r boblogaeth, a phob un o'r stadiymau, wedi'u lleoli o gwmpas y brifddinas, Doha - ardal sydd yn llai o faint nag Ynys Môn.
Mae'r wlad hefyd wedi cael ei beirniadu am eu record ar hawliau dynol, gyda chwestiynau dros hawliau gweithwyr, a nifer o'r rheiny hyd yn oed wedi marw wrth adeiladu'r meysydd.
Yn ogystal â hynny mae pryderon wedi eu codi dros y croeso fyddai ar gyfer rhai cefnogwyr, yn enwedig o'r gymuned LGBT, o ystyried deddfau gwrth-hoyw yn Qatar ac agweddau ceidwadol y wlad.
Y llynedd fe ddywedodd prif weithredwr Cymdeithas Bêl-droed Cymru, Noel Mooney y byddan nhw'n trafod y mater unwaith y byddan nhw'n saff o'u lle yn y gystadleuaeth. Amser a ddengys.
A fyddwch chi'n mentro allan i Qatar, tybed?
Ffynhonnell y llun, Getty ImagesMae'r Almaen yn un o'r timau sydd eisoes wedi protestio record hawliau dynol Qatar
Ydy Gary a Dylan (drwy gyfrwng yr emoji a'r GIF) yn 'siarad' ar ran y genedl?
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diolch i chi am ddilyn, Aled.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae Cymru'n hen gyfarwydd gyda Lloegr wrth gwrs, ac wedi eu chwarae nhw 103 o weithiau yn ein hanes - gan ennill dim ond 14.
Ond os 'dach chi isio arwydd da, y tro diwethaf i ni eu cael nhw mewn grŵp twrnament, fe gollon ni... a mynd ymlaen i gyrraedd y rownd gynderfynol beth bynnag!
Dim ond ddwywaith 'dan ni wedi chwarae'r UDA, gan golli 2-0 mewn gêm gyfeillgar yn 2003 a chael gêm ddi-sgôr yn 2020.
Unwaith erioed 'dan ni wedi chwarae Iran, a honno'n fuddugoliaeth o 1-0 'nôl yn 1978.
Ffynhonnell y llun, Huw Evans Picture AgencyChris 'Cafu' Gunter yn wynebu'r Americanwyr yn 2020
Pencampwyr Ewrop Yr Eidal yw'r wlad fwyaf amlwg fydd ddim yn rhan o'r digwyddiad heddiw ar ôl eu colled yn y gemau ail gyfle yn erbyn Gogledd Macedonia. Doedden nhw ddim yng Nghwpan y Byd Rwsia yn 2018 chwaith.
Mae Rwsia hefyd yn colli allan ar ôl cael eu gwahardd o'r gemau ail gyfle yn dilyn goresgyniad eu gwlad o Wcráin.
Methodd Norwy â chymhwyso, sy'n golygu y bydd yn rhaid i beiriant goliau Borussia Dortmund, Erling Braut Haaland aros am ei ymddangosiad cyntaf yn y gystadleuaeth.
Ni fydd Mohamed Salah na'r Aifft yno ychwaith ar ôl colli i Senegal ar giciau o'r smotyn.
Ni fydd Nigeria, Algeria na Thraeth Ifori yno chwaith, tra bod timau De America, Colombia a Chile, yn colli allan hefyd.
Dim ond gobeithio na fyddwn ni'n ychwanegu enwau fel Gareth Bale ac Aaron Ramsey at y rhestr...
Ffynhonnell y llun, Getty ImagesErling Haaland a Mo Salah - rhai o'r chwaraewyr na fydd yn Qatar
Mae FIFA eisoes wedi cadarnhau union ddyddiadau'r gemau, gyda'r twrnament yn rhedeg o 21 Tachwedd tan 18 Rhagfyr.
Ond hyd yn oed ar ôl i'r grwpiau gael eu dewis heddiw, fydd dim cadarnhad yn syth o ba stadiwm fyddan nhw'n chwarae a faint o'r gloch fydd y gemau.
Gan fod yr wyth stadiwm yn Qatar mor agos i'w gilydd, mae'r trefnwyr am weld gyntaf pwy sy'n chwarae pwy cyn penderfynu ym mhle fyddan nhw, a bydd amser y gemau hefyd yn dibynnu ar gynulleidfa deledu y gwledydd hynny.
Nid fod hynny am boeni Cymru rhyw lawer - rhaid cyrraedd yno gyntaf!
Ffynhonnell y llun, Getty ImagesStadiwm Lusail i'r gogledd o Doha fydd yn cynnal y ffeinal - ond mae beriniadaeth wedi bod am ymdriniaeth gweithwyr yn Qatar wrth adeiladu'r meysydd ar gyfer y gystadleuaeth
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dyma fydd trefn y gemau OS ydan ni'n cyrraedd Cwpan y Byd:
21 Tachwedd: UDA v Cymru
25 Tachwedd: Cymru v Iran
29 Tachwedd: Cymru v Lloegr
Reit, ac anadlu!
Beth 'dan ni'n ei feddwl o hwnna felly? Haws nag y gallai fod wedi bod?
A'r hen elyn mewn twrnament unwaith eto!
Gwlad Belg, Croatia, Morocco, Canada
Portiwgal, Uruguay, De Corea, Ghana
Brasil, Serbia, Swistir, Cameroon
Lloegr, Iran, UDA, CYMRU/ALBAN/WCRÁIN
Sbaen, Almaen, Japan, Costa Rica/Seland Newydd
Ariannin, Mecsico, Gwlad Pwyl, Saudi Arabia
Qatar, Yr Iseldiroedd, Senegal, Ecuador
Ffrainc, Denmarc, Tunisia, UAE/Awstralia/Peru
Reit, dyma ni... tro Cymru!
Grŵp A: Qatar, Yr Iseldiroedd, Senegal
Grŵp B: Lloegr, UDA, Iran
Grŵp C: Yr Ariannin, Mecsico, Gwlad Pwyl
Grŵp D: Ffrainc, Denmarc, Tunisia
Grŵp E: Sbaen, Yr Almaen, Japan
Grŵp F: Gwlad Belg, Croatia, Morocco
Grŵp G: Brasil, Swistir, Serbia
Grŵp H: Portiwgal, Uruguay, De Corea
Fydd Cymru felly ddim yn gallu bod yn rhan o grwpiau D, E, F na G, am fod dwy wlad o Ewrop eisoes yn y rheiny.
Grŵp A: Qatar, Yr Iseldiroedd
Grŵp B: Lloegr, UDA
Grŵp C: Yr Ariannin, Mecsico
Grŵp D: Ffrainc, Denmarc
Grŵp E: Sbaen, Yr Almaen
Grŵp F: Gwlad Belg, Croatia
Grŵp G: Brasil, Y Swistir
Grŵp H: Portiwgal, Uruguay
Ar hyn o bryd ni fydd Cymru yn gallu bod yn rhan o grwpiau D, E na F am fod dwy wlad o Ewrop eisoes yn y rheiny.