Mae Josh Navidi yn fwyaf adnabyddus fel chwaraewr rygbi Cymru a Chaerdydd, ond oeddech chi'n gwybod bod ganddo gysylltiad teuluol ag Iran?
Daeth ei dad i'r DU yn ystod chwyldro Iran yn 1979, cyn cyfarfod mam Josh a gwneud bywyd i'w hun yng Nghymru.
Felly, oes 'na deimladau cymysg i Josh cyn y gêm fawr heddiw?
"Ar ddiwedd y dydd, dwi'n mynd i gefnogi Cymru bob tro ac yn gobeithio y bydd Cymru'n cyrraedd y rownd nesaf", meddai.
Ond mae'n gobeithio y bydd Iran yn gallu sicrhau buddugoliaeth yn ystod y gystadleuaeth - "ond nid yn erbyn Cymru gobeithio!"
Ac oes 'na syniad o ran y sgôr heddiw?
"Mae'n mynd i fod yn agos, mae gen i 2-1 yn fy mhen ond dwi'n gobeithio bod Cymru'n cael y pwyntiau i gyrraedd y rownd nesaf."
BBCCopyright: BBC
Cefnogi Iran yng Nghaerdydd
BBCCopyright: BBC
Ond nid pawb sy'n byw yng Nghymru sy'n cefnogi Cymru heddiw, wrth gwrs!
Yng Nghaerdydd bydd 'na weiddi i'r ddau dîm yng nghartref Nushin Chavoshi Nejad, a chafodd ei geni ym mhrifddinas Iran, Tehran.
Bu'n sgwrsio ar Dros Frecwast y bore 'ma
Pedwar pwynt yn ddigon i'r rownd nesaf?
Mae pawb yn nhîm Cymru Fyw gobeithio am fuddugoliaeth i Gymru bore 'ma, ond beth sydd ei angen yn fathemategol i gyrraedd y rownd nesaf?
Os yw Cymru'n curo Iran fe fyddan nhw ar bedwar pwynt yn y grŵp.
Petai Lloegr yn rhoi cweir i'r UDA heno byddai hynny'n ei gwneud hi'n fwy tebygol fod Cymru'n gallu cyrraedd y rownd nesaf hyd yn oed o golli'n agos i Loegr yn y gêm olaf.
Ond yn dilyn y gêm gyfartal agoriadol gyda'r UDA, mae'n bosib hefyd y gallai gwahaniaeth goliau benderfynu ai'r Cymry neu'r Americaniaid sy'n gorffen yn ail.
Ers 1998 mae timau sy'n gorffen ar bedwar pwynt yn eu grŵp Cwpan y Byd wedi llwyddo i gyrraedd y rownd nesaf 17 gwaith, ac wedi methu 16 o weithiau.
Petai Cymru'n cael gêm gyfartal heddiw, mae'n debygol y byddai wedyn angen trechu Lloegr, oni bai bod yr UDA ac Iran yn hafal yn eu gornest olaf nhw.
Colli yn erbyn Iran, ac mae'n glir - byddai'n rhaid i Gymru guro Lloegr, o bosib o sawl gôl, i gael unrhyw obaith o gyrraedd rownd yr 16 olaf.
BBCCopyright: BBC
Ydy'r cefnogwyr yn hapus gyda'r tîm?
Mae Lyn Morris, Iwan Adams-Lewis ac Ed Jones-Davies o Aberteifi yn hapus gyda’r tîm mae Rob Page wedi ei ddewis.
“'Naeth Kieffer Moore ‘neud gwahaniaeth noson o’r blaen ‘do,” meddai Lyn.
Ond byddai Ed wedi hoffi gweld Dan James yn chwarae gyda Moore yn yr ymosod.
"Fe mewn am Wilson, ‘na’r unig un bydde well gyda fi,” meddai.
BBCCopyright: BBC
Criw Radio Cymru yn barod amdani!
BBC Radio Cymru
Cofiwch bod modd i chi ddilyn y gêm gyda Radio Cymru hefyd, ac mae modd gwneud hynny heb orfod gadael ein llif byw.
Mae eu rhaglen nhw newydd ddechrau, a gallwch wrando trwy glicio ar yr eicon ar frig y llif byw.
Owain Llŷr sy'n cyflwyno, gyda Dylan Griffiths, cyn-ymosodwr Cymru Iwan Roberts a chyn-gapten Cymru Kath Morgan yn sylwebu yn Qatar.
Ramsey a Wilson yn ffodus i ddechrau?
Iwan Roberts
Cyn-ymosodwr Cymru ar BBC Radio Cymru
Dwi'n meddwl bod 'na ambell i chwaraewr yn ffodus eu bod nhw'n dechrau'r gêm.
Dwi'n meddwl bod Aaron Ramsey yn ffodus ei fod o'n dechrau - 'naeth o ddim dangos hanner digon o egni yn y gêm yn erbyn yr Unol Daleithiau.
Yr un peth efo Harry Wilson. Yn bersonol faswn i wedi licio gweld Brennan Johnson yn dechrau.
Mae'n rhaid i'r chwaraewyr yma dalu ffyddlondeb Robert Page yn ôl.
'Moore yn cynnig gymaint i'r tîm'
Iwan Roberts
Cyn-ymosodwr Cymru ar BBC Radio Cymru
O'n i yn gobeithio gweld Kieffer Moore yn dechrau - mae'n cynnig gymaint i'r tîm.
Ddaru fo drawsnewid y gêm pan ddaeth o 'mlaen nos Lun.
Dwi ddim yn synnu bod Joe Allen ar y fainc, o ystyried dydi o heb gicio pêl yn gystadleuol ers 69 o ddyddiau.
Getty ImagesCopyright: Getty Images
Rhag ofn eich bod chi angen hwn...
BBCCopyright: BBC
Disgyblion Cwm Rhymni yn rhagweld buddugoliaeth
Mae Hadley yn credu y bydd Cymru'n ennill o 3-1 os ydyn ni’n chwarae fel 'naethon ni yn yr ail hanner yn erbyn UDA.
Ennill 2-1 mae Evan yn ei ddisgwyl: "Ni angen dechrau Kieffer Moore fel bod ni’n gallu
symud i fyny’r cae," meddai.
BBCCopyright: BBC
Mae Amelia’n chwarae i CascadeYC, tîm menywod yn Ystrad Mynach, ac yn ddisgybl blwyddyn 13 yn yr ysgol.
"Teimlo bach yn nerfus ond hyderus bod ni’n gallu cael y triphwynt heddi. Rhaid ni fod yn hyderus ar y bêl a chwarae i’n cryfderau."
BBCCopyright: BBC
Wyneb cyfarwydd ar y wal yn Ysgol Gyfun Cwm Rhymni
Mae un o'n gohebwyr ni yn gwylio'r gêm gyda disgyblion Ysgol Gyfun Cwm Rhymni y bore 'ma.
Fel sawl ysgol arall yng Nghymru, bydd plant yn cael saib o'u gwersi arferol i gefnogi'r tîm cenedlaethol.
Mae ein gohebydd ni wedi darganfod y llun yma hefyd o un o'u cyn-ddisgyblion enwog fydd ar y cae ymhen awr.
Dim gwobrau am ddyfalu pwy - dydy o wedi newid dim!
BBCCopyright: BBC
Beth ydy barn y cefnogwyr?
Mae ein gohebydd tu allan i Stadiwm Ahmad bin Ali wedi bod yn holi cefnogwyr am eu gobeithion, a'u disgwyliadau nhw heddiw.
Mae Ben, Kerrin a Lauren i gyd yn hyderus mai Cymru fydd yn fuddugol heddiw.
3-0 yw darogan Ben, tra bod y chwiorydd yn mynd am sgôr o 2-0 a 2-1.
BBCCopyright: BBC
Mae Hadir a Jana yn dod o Balesteina yn wreiddiol, a bellach yn byw yn Doha.
Ond mae’r ddwy yn cefnogi timau gwahanol heddiw, gyda’r fam yn mynd am Iran a’r ferch yn dewis Cymru.
BBCCopyright: BBC
Newydd dorriKieffer Moore yn dechrau
Dim ond un newid i dîm Cymru felly, gyda'r ymosodwr Kieffer Moore yn dechrau yn lle Daniel James.
Mae'n ymddangos fel y bydd Rob Page yn cadw at bum amddiffynnwr yn y cefn felly - er y dyfalu y byddai'n dewis tîm mwy ymosodol.
Cymysg oedd yr ymateb gan gefnogwyr yn Qatar i benderfyniad y tîm i beidio a chanu'r anthem.
Dywedodd Mohammad, sydd yn Doha gyda'i dad ar gyfer Cwpan y Byd, bod y chwaraewyr "ddim yn cynrychioli Iran", gan fod "pob person o Iran yn caru eu gwlad, dwi'n siŵr".
"Does dim problem gyda'r llywodraeth, mae popeth yn iawn."
Ond gwahanol iawn oedd barn Mina, sydd o Iran yn wreiddiol, ac wedi teithio i Qatar i ddangos gwrthwynebiad i'r llywodraeth.
"Doedd e ddim yn benderfyniad hawdd i ddod - nes i bron a phwyso'r botwm 'canslo' sawl gwaith.
"Ond roedden ni eisiau dod er mwyn gwneud y datganiad yna, bod ni wedi cael digon ar y llywodraeth yma sy'n lladd ei phobl, a pheidio gadael iddyn nhw wthio eu naratif eu hunain."
Dim cynrychiolydd o Lywodraeth Cymru yma heddiw
Mae Llywodraeth Cymru yn gyrru cynrychiolwyr i'r gemau yn erbyn yr Unol Daleithiau a Lloegr, ond wedi penderfynu yn erbyn cael rhywun yn y gêm yn erbyn Iran.
Roedd y Prif Weinidog Mark Drakeford yn bresennol ddydd Llun, tra bydd y Gweinidog Economi Vaughan Gething yn mynychu'r gêm nos Fawrth.
Y bwriad yn wreiddiol oedd y byddai'r dirprwy weinidog chwaraeon Dawn Bowden yn mynychu'r gêm heddiw, cyn i'r llywodraeth gefnu ar y syniad oherwydd y protestiadau yn Iran.
Dywedodd Mr Gething fod y penderfyniad i beidio â gyrru unrhyw un i'r gêm yn erbyn Iran yn "gymesur" oherwydd y protestiadau.
Mae Llywodraeth Cymru wedi cael eu beirniadu am fynd i Qatar o gwbl, ond maen nhw'n dweud ei fod yn gyfle i hyrwyddo Cymru ac "adlewyrchu ein gwerthoedd".
Getty ImagesCopyright: Getty Images
Chwaraewyr Iran wedi gwrthod canu'r anthem
Yn gefnlen i'r gêm heddiw mae'r protestiadau yn erbyn llywodraeth Iran sydd wedi bod yn digwydd yno dros yr wythnosau diwethaf.
Fe wnaeth chwaraewyr Iran wrthod canu eu hanthem genedlaethol cyn eu gêm agoriadol yn erbyn Lloegr - rhywbeth sy'n cael ei weld fel arwydd o gefnogaeth i'r protestiadau.
Bu rhai cefnogwyr yn gweiddi dros yr anthem, ac roedd eraill yn dangos arwyddon yn mynegi cefnogaeth i'r protestwyr.
Ni wnaeth y darllediad o'r gêm ar deledu yn Iran ddangos yr anthem yn cael ei chanu.
Mae'r protestiadau yn Iran yn deillio o farwolaeth Mahsa Amini, 22 oed, yng ngofal yr heddlu wedi iddi gael ei harestio am dorri rheolau llym y wlad ynglŷn â gorchuddion pen.
Mae ymgyrchwyr hawliau dynol yn dweud fod dros 400 o brotestwyr wedi'u lladd a bron i 17,000 wedi'u harestio wrth i'r llywodraeth ymateb yn llym i'r protestiadau.
Mae Iran yn mynnu fod y protestiadau wedi'u trefnu gan eu "gelynion tramor".
Getty ImagesCopyright: Getty Images
Pa mor dda ydych chi'n 'nabod carfan Cymru?
Wrth i ni son am y garfan, pa mor dda 'dych chi'n 'nabod y rheiny fydd yn cynrychioli'r crys coch yn y twrnament - a pha mor dda maen nhw'n adnabod ei gilydd?
Fe fuon ni'n profi'r chwaraewyr gyda'n cwis 'Pwy ydw i?'
Y diweddaraf yn fyw
Mae pob amser yn lleol i'r DU
Cyfrannu
Pwy fydd Josh Navidi yn cefnogi bore 'ma?
Mae Josh Navidi yn fwyaf adnabyddus fel chwaraewr rygbi Cymru a Chaerdydd, ond oeddech chi'n gwybod bod ganddo gysylltiad teuluol ag Iran?
Daeth ei dad i'r DU yn ystod chwyldro Iran yn 1979, cyn cyfarfod mam Josh a gwneud bywyd i'w hun yng Nghymru.
Felly, oes 'na deimladau cymysg i Josh cyn y gêm fawr heddiw?
"Ar ddiwedd y dydd, dwi'n mynd i gefnogi Cymru bob tro ac yn gobeithio y bydd Cymru'n cyrraedd y rownd nesaf", meddai.
Ond mae'n gobeithio y bydd Iran yn gallu sicrhau buddugoliaeth yn ystod y gystadleuaeth - "ond nid yn erbyn Cymru gobeithio!"
Ac oes 'na syniad o ran y sgôr heddiw?
"Mae'n mynd i fod yn agos, mae gen i 2-1 yn fy mhen ond dwi'n gobeithio bod Cymru'n cael y pwyntiau i gyrraedd y rownd nesaf."
Cefnogi Iran yng Nghaerdydd
Ond nid pawb sy'n byw yng Nghymru sy'n cefnogi Cymru heddiw, wrth gwrs!
Yng Nghaerdydd bydd 'na weiddi i'r ddau dîm yng nghartref Nushin Chavoshi Nejad, a chafodd ei geni ym mhrifddinas Iran, Tehran.
Bu'n sgwrsio ar Dros Frecwast y bore 'ma
Pedwar pwynt yn ddigon i'r rownd nesaf?
Mae pawb yn nhîm Cymru Fyw gobeithio am fuddugoliaeth i Gymru bore 'ma, ond beth sydd ei angen yn fathemategol i gyrraedd y rownd nesaf?
Os yw Cymru'n curo Iran fe fyddan nhw ar bedwar pwynt yn y grŵp.
Petai Lloegr yn rhoi cweir i'r UDA heno byddai hynny'n ei gwneud hi'n fwy tebygol fod Cymru'n gallu cyrraedd y rownd nesaf hyd yn oed o golli'n agos i Loegr yn y gêm olaf.
Ond yn dilyn y gêm gyfartal agoriadol gyda'r UDA, mae'n bosib hefyd y gallai gwahaniaeth goliau benderfynu ai'r Cymry neu'r Americaniaid sy'n gorffen yn ail.
Ers 1998 mae timau sy'n gorffen ar bedwar pwynt yn eu grŵp Cwpan y Byd wedi llwyddo i gyrraedd y rownd nesaf 17 gwaith, ac wedi methu 16 o weithiau.
Petai Cymru'n cael gêm gyfartal heddiw, mae'n debygol y byddai wedyn angen trechu Lloegr, oni bai bod yr UDA ac Iran yn hafal yn eu gornest olaf nhw.
Colli yn erbyn Iran, ac mae'n glir - byddai'n rhaid i Gymru guro Lloegr, o bosib o sawl gôl, i gael unrhyw obaith o gyrraedd rownd yr 16 olaf.
Ydy'r cefnogwyr yn hapus gyda'r tîm?
Mae Lyn Morris, Iwan Adams-Lewis ac Ed Jones-Davies o Aberteifi yn hapus gyda’r tîm mae Rob Page wedi ei ddewis.
“'Naeth Kieffer Moore ‘neud gwahaniaeth noson o’r blaen ‘do,” meddai Lyn.
Ond byddai Ed wedi hoffi gweld Dan James yn chwarae gyda Moore yn yr ymosod.
"Fe mewn am Wilson, ‘na’r unig un bydde well gyda fi,” meddai.
Criw Radio Cymru yn barod amdani!
BBC Radio Cymru
Cofiwch bod modd i chi ddilyn y gêm gyda Radio Cymru hefyd, ac mae modd gwneud hynny heb orfod gadael ein llif byw.
Mae eu rhaglen nhw newydd ddechrau, a gallwch wrando trwy glicio ar yr eicon ar frig y llif byw.
Owain Llŷr sy'n cyflwyno, gyda Dylan Griffiths, cyn-ymosodwr Cymru Iwan Roberts a chyn-gapten Cymru Kath Morgan yn sylwebu yn Qatar.
Ramsey a Wilson yn ffodus i ddechrau?
Iwan Roberts
Cyn-ymosodwr Cymru ar BBC Radio Cymru
Dwi'n meddwl bod 'na ambell i chwaraewr yn ffodus eu bod nhw'n dechrau'r gêm.
Dwi'n meddwl bod Aaron Ramsey yn ffodus ei fod o'n dechrau - 'naeth o ddim dangos hanner digon o egni yn y gêm yn erbyn yr Unol Daleithiau.
Yr un peth efo Harry Wilson. Yn bersonol faswn i wedi licio gweld Brennan Johnson yn dechrau.
Mae'n rhaid i'r chwaraewyr yma dalu ffyddlondeb Robert Page yn ôl.
'Moore yn cynnig gymaint i'r tîm'
Iwan Roberts
Cyn-ymosodwr Cymru ar BBC Radio Cymru
O'n i yn gobeithio gweld Kieffer Moore yn dechrau - mae'n cynnig gymaint i'r tîm.
Ddaru fo drawsnewid y gêm pan ddaeth o 'mlaen nos Lun.
Dwi ddim yn synnu bod Joe Allen ar y fainc, o ystyried dydi o heb gicio pêl yn gystadleuol ers 69 o ddyddiau.
Rhag ofn eich bod chi angen hwn...
Disgyblion Cwm Rhymni yn rhagweld buddugoliaeth
Mae Hadley yn credu y bydd Cymru'n ennill o 3-1 os ydyn ni’n chwarae fel 'naethon ni yn yr ail hanner yn erbyn UDA.
Ennill 2-1 mae Evan yn ei ddisgwyl: "Ni angen dechrau Kieffer Moore fel bod ni’n gallu symud i fyny’r cae," meddai.
Mae Amelia’n chwarae i CascadeYC, tîm menywod yn Ystrad Mynach, ac yn ddisgybl blwyddyn 13 yn yr ysgol.
"Teimlo bach yn nerfus ond hyderus bod ni’n gallu cael y triphwynt heddi. Rhaid ni fod yn hyderus ar y bêl a chwarae i’n cryfderau."
Wyneb cyfarwydd ar y wal yn Ysgol Gyfun Cwm Rhymni
Mae un o'n gohebwyr ni yn gwylio'r gêm gyda disgyblion Ysgol Gyfun Cwm Rhymni y bore 'ma.
Fel sawl ysgol arall yng Nghymru, bydd plant yn cael saib o'u gwersi arferol i gefnogi'r tîm cenedlaethol.
Mae ein gohebydd ni wedi darganfod y llun yma hefyd o un o'u cyn-ddisgyblion enwog fydd ar y cae ymhen awr.
Dim gwobrau am ddyfalu pwy - dydy o wedi newid dim!
Beth ydy barn y cefnogwyr?
Mae ein gohebydd tu allan i Stadiwm Ahmad bin Ali wedi bod yn holi cefnogwyr am eu gobeithion, a'u disgwyliadau nhw heddiw.
Mae Ben, Kerrin a Lauren i gyd yn hyderus mai Cymru fydd yn fuddugol heddiw.
3-0 yw darogan Ben, tra bod y chwiorydd yn mynd am sgôr o 2-0 a 2-1.
Mae Hadir a Jana yn dod o Balesteina yn wreiddiol, a bellach yn byw yn Doha.
Ond mae’r ddwy yn cefnogi timau gwahanol heddiw, gyda’r fam yn mynd am Iran a’r ferch yn dewis Cymru.
Newydd dorriKieffer Moore yn dechrau
Dim ond un newid i dîm Cymru felly, gyda'r ymosodwr Kieffer Moore yn dechrau yn lle Daniel James.
Mae'n ymddangos fel y bydd Rob Page yn cadw at bum amddiffynnwr yn y cefn felly - er y dyfalu y byddai'n dewis tîm mwy ymosodol.
Mae Joe Allen ar y fainc.
'Buddugoliaeth' cael gwisgo'r enfys i gêm Cymru ac Iran
Bydd hetiau bwced enfys yn cael eu caniatáu yn y gêm heddiw, wedi i staff ofyn i gefnogwyr dynnu eu hetiau lliwgar cyn y gêm yn erbyn UDA nos Lun.
Mae hyn yn "fuddugoliaeth foesol", yn ôl yr Athro Laura McAllister, sy'n gyn-gapten ar dîm pêl-droed merched Cymru.
"Mae'n bwysig i ni achos 'dan ni gyd wedi dweud, os ydyn ni'n dod i le fel hyn mae'n bwysig i ni fyw ein hegwyddorion ni."
Chwilio am gysgod tu allan i'r stadiwm
Iolo Cheung
Gohebydd BBC Cymru Fyw yn Qatar
Mae’n 30 Selsiws tu allan yn Doha wrth iddi agosáu at hanner dydd yma.
Dim rhyfedd bod cefnogwyr Cymru’n manteisio ar y cysgod!
Gorau Chwarae: Cerdd gan y bardd Llio Maddocks
Beth ydy teimladau cefnogwyr Iran?
Cymysg oedd yr ymateb gan gefnogwyr yn Qatar i benderfyniad y tîm i beidio a chanu'r anthem.
Dywedodd Mohammad, sydd yn Doha gyda'i dad ar gyfer Cwpan y Byd, bod y chwaraewyr "ddim yn cynrychioli Iran", gan fod "pob person o Iran yn caru eu gwlad, dwi'n siŵr".
"Does dim problem gyda'r llywodraeth, mae popeth yn iawn."
Ond gwahanol iawn oedd barn Mina, sydd o Iran yn wreiddiol, ac wedi teithio i Qatar i ddangos gwrthwynebiad i'r llywodraeth.
"Doedd e ddim yn benderfyniad hawdd i ddod - nes i bron a phwyso'r botwm 'canslo' sawl gwaith.
"Ond roedden ni eisiau dod er mwyn gwneud y datganiad yna, bod ni wedi cael digon ar y llywodraeth yma sy'n lladd ei phobl, a pheidio gadael iddyn nhw wthio eu naratif eu hunain."
Dim cynrychiolydd o Lywodraeth Cymru yma heddiw
Mae Llywodraeth Cymru yn gyrru cynrychiolwyr i'r gemau yn erbyn yr Unol Daleithiau a Lloegr, ond wedi penderfynu yn erbyn cael rhywun yn y gêm yn erbyn Iran.
Roedd y Prif Weinidog Mark Drakeford yn bresennol ddydd Llun, tra bydd y Gweinidog Economi Vaughan Gething yn mynychu'r gêm nos Fawrth.
Y bwriad yn wreiddiol oedd y byddai'r dirprwy weinidog chwaraeon Dawn Bowden yn mynychu'r gêm heddiw, cyn i'r llywodraeth gefnu ar y syniad oherwydd y protestiadau yn Iran.
Dywedodd Mr Gething fod y penderfyniad i beidio â gyrru unrhyw un i'r gêm yn erbyn Iran yn "gymesur" oherwydd y protestiadau.
Mae Llywodraeth Cymru wedi cael eu beirniadu am fynd i Qatar o gwbl, ond maen nhw'n dweud ei fod yn gyfle i hyrwyddo Cymru ac "adlewyrchu ein gwerthoedd".
Chwaraewyr Iran wedi gwrthod canu'r anthem
Yn gefnlen i'r gêm heddiw mae'r protestiadau yn erbyn llywodraeth Iran sydd wedi bod yn digwydd yno dros yr wythnosau diwethaf.
Fe wnaeth chwaraewyr Iran wrthod canu eu hanthem genedlaethol cyn eu gêm agoriadol yn erbyn Lloegr - rhywbeth sy'n cael ei weld fel arwydd o gefnogaeth i'r protestiadau.
Bu rhai cefnogwyr yn gweiddi dros yr anthem, ac roedd eraill yn dangos arwyddon yn mynegi cefnogaeth i'r protestwyr.
Ni wnaeth y darllediad o'r gêm ar deledu yn Iran ddangos yr anthem yn cael ei chanu.
Mae'r protestiadau yn Iran yn deillio o farwolaeth Mahsa Amini, 22 oed, yng ngofal yr heddlu wedi iddi gael ei harestio am dorri rheolau llym y wlad ynglŷn â gorchuddion pen.
Mae ymgyrchwyr hawliau dynol yn dweud fod dros 400 o brotestwyr wedi'u lladd a bron i 17,000 wedi'u harestio wrth i'r llywodraeth ymateb yn llym i'r protestiadau.
Mae Iran yn mynnu fod y protestiadau wedi'u trefnu gan eu "gelynion tramor".
Pa mor dda ydych chi'n 'nabod carfan Cymru?
Wrth i ni son am y garfan, pa mor dda 'dych chi'n 'nabod y rheiny fydd yn cynrychioli'r crys coch yn y twrnament - a pha mor dda maen nhw'n adnabod ei gilydd?
Fe fuon ni'n profi'r chwaraewyr gyda'n cwis 'Pwy ydw i?'
Os ydych chi'n hoff o ffeithiau diddorol am y chwaraewyr, mae mwy i'w gweld yn yr erthygl yma.
Fydd Bale yn cipio record capiau Gunter heddiw?
Un sy'n fwy sicr o wneud ymddangosiad ar y cae heddiw ydy Gareth Bale.
Bale eisoes ydy prif sgoriwr Cymru erioed (o bell ffordd!), ond mae'n bosib iddo gipio record arall gan un o'i ffrindiau heddiw.
Wedi'r gêm yn erbyn yr Unol Daleithiau mae Bale a Chris Gunter yn gyfartal ar y brig o ran y nifer fwyaf o gapiau i Gymru - 109.
Os yw'r capten yn chwarae heddiw felly, a Gunter ddim yn dod i'r maes, bydd gan Bale record unigol arall i Gymru.
Ond dyw Wayne Hennessey ddim ymhell ar ei hôl hi chwaith, ag yntau ar 107 o gapiau rhyngwladol.