Mewn neges ffarwel gan y prif weinidog i staff Llywodraeth Cymru, dywedodd Mark Drakeford:

"Mae gwleidyddiaeth weinidogol fymryn yn debyg i rygbi Cymru. Os ydych chi'n lwcus, fe ddowch chi'n rhan o'r tîm - ond mae'ch amser yno yn fyr ar y naw.

"Dechreuais fy ngyrfa yma'n gweithio fel ymgynghorydd arbennig i Rhodri Morgan pan oedd y Cynulliad newydd sbon, fel yr oedd bryd hynny, yn llai na blwydd oed.

"Fe’i dilynais i'r Senedd ac, yn y pen draw, fel Prif Weinidog; mae'n debyg taw fi yw'r Prif Weinidog olaf sydd â'm gwreiddiau yn perthyn i ddyddiau cynnar datganoli.

"Wrth i mi drosglwyddo’r awenau, byddaf yn eistedd ar y meinciau cefn yn cefnogi fy olynydd, y sefydliad a'ch llwyddiant parhaus chi."

Ffynhonnell y llun, Getty Images

Wrth i'w gyfnod fel Prif Weinidog Cymru ddirwyn i ben, dyma olwg dros fywyd a gyrfa Mark Drakeford ers ei blentyndod yng Nghaerfyrddin.

Ffynhonnell y llun, Getty Images

Un o dasgau olaf Mark Drakeford fel prif weinidog fydd cymryd sesiwn olaf o gwestiynau gan arweinwyr y gwrthbleidiau ac ASau yn y Senedd.

Yn ddiweddarach bydd e'n gwneud datganiad o ymddiswyddiad yn y Senedd, cyn cynnig ei ymddiswyddiad yn ffurfiol i’r Brenin.

Ddydd Mercher, fe fydd Vaughan Gething yn cymryd ei le yn y rôl.

Mark Drakeford yn paratoi fore Mawrth ar gyfer ei sesiwn Cwestiynau i'r Prif Weinidog olaf.

Ffynhonnell y llun, Llywodraeth Cymru

Prynhawn da, croeso i'n llif byw ar ddiwrnod olaf Mark Drakeford fel prif weinidog.

O 1.30pm gallwch wylio ein darllediad o'r Cwestiynau i'r Prif Weinidog, trwy glicio ar y botwm chwarae uchod.