Na Leòdhasaich air ais aig an taigh
- Air fhoillseachadh
'S e là mòr a th' ann an seusan Camanachd Leòdhais Disathairne is iad a' cluich aig an taigh 'son a' chiad turas am-bliadhna.
Feumaidh na Leòdhasaich a h-uile seusan a thòiseachadh le sreath gheamaichean air an rathad.
Tha maill air a dhol orra am-bliadhna le droch shìde air geamaichean a chur dheth is tha mìos ann bho chluich iad mu dheireadh.
Bidh dùil ri sluagh math ann an Siabost Disathairne is Ceann Loch Seile a' tighinn a chèilidh ann an Cupa Shrath Èirinn.
Dh'innis Camanachd Leòdhais gu bheil dàimh shònraichte eadar na clubaichean, taobh a-muigh às dèidh mar a chluich iad san eilean air 1mh den Fhaoilleach 2019 'son comharrachadh 100 bliadhna bho chall na h-Iolaire.
Bidh dùil ri geama doirbh Disathairne is Seile lìog nas àirde na Camanachd Leodhàis is iad air ochd tadhail a chur seachad air Gleann Urchadain an t-seachdain seo chaidh.
Tha Alasdair MacLaomainn a dhìth air na Leòdhasaich ach a thuilleadh air sin bidh buidheann làidir aca.
Thuirt Camanachd Leòdhais gun robh an taic a fhuair iad ann an Siabost an-uiridh glè chudromach a thaobh cho math 's a bha an seusan aca.
Dh'iarr iad air daoine tighinn a-mach 'son taic a thoirt dhaibh anns na mìosan ri tighinn.
Tòisichidh an geama Disathairne aig 2.30f.
Tuilleadh air an sgeulachd seo
- Air fhoillseachadh28 An Gearran