Lluniau'r Eisteddfod: Dydd Mercher

7 Awst 2019

Lluniau dydd Mercher yn yr Eisteddfod Genedlaethol yn Llanrwst

Gallwch weld y newyddion, canlyniadau, uchafbwyntiau a fideo byw o'r Pafiliwn yn ein hadran arbennig ar Cymru Fyw.

Murlun Sain wedi ei gwblhau gyda'r rhai sy'n gyfrifol am y gwaith — Disgrifiad o’r llun,
Murlun yn stondin Sain - a'r rhai fu'n gyfrifol am ei chreu dros y dyddiau diwethaf - i ddathlu hanner canmlwyddiant y cwmni recordiau

Dau ddyn yn cerdded i'r run cyfeiriad, un mewn trowsys byr a sandalau, a'r llall efo ambarèl — Disgrifiad o’r llun,
Mae rhai eisteddfotwyr yn cael eu heffeithio gan y gwynt a'r glaw fwy nag eraill

Plentyn yn dringo i fyny'r Maen Llog — Disgrifiad o’r llun,
Archdderwydd y dyfodol? Mae'r Maen Llog yn gwneud lle dringo gwych pan nad yw'r Orsedd yn ei defnyddio

Rhys Meirion a Hywel Gwynfryn yn cael hwyl mewn trafodaeth — Disgrifiad o’r llun,
Canu, sgwrsio ac wrth gwrs chwerthin ym mhabell Encore wrth i Hywel Gwynfryn a Rhys Meirion drafod y tenor David Lloyd

Cartwnydd yn cynnal sesiwn gyda phlant — Disgrifiad o’r llun,
Byth rhy hen i gartwnau - sesiwn i blant gyda'r cartwynydd Huw Aaron

Côr Ysgol Dyffryn Conwy yn paratoi i fynd ar y llwyfan — Disgrifiad o’r llun,
Cyffro a nerfau gefn llwyfan wrth i Ysgol Dyffryn Conwy baratoi i agor cystadleuaeth y corau ieuenctid

Tri pherson mewn gwisg wen a balŵn mewn 'perfformiad stryd' ar y Maes — Disgrifiad o’r llun,
Nage, nid yr orsedd ar ei newydd wedd ond perfformiad gan Theatr Stryd

Perfformwyr stryd wedi gwisgo fel gofodwyr — Disgrifiad o’r llun,
A chriw arall o berfformwyr yn crwydro'r Maes

Dau fachgen ifanc yn eu cotiau glaw ar sêt haul — Disgrifiad o’r llun,
Tomos a Caio, o Garndolbenmaen, yn y wisg draddodiadol Eisteddfodol

Babi wyth wythnos oed gyda'i dad ar y maes — Disgrifiad o’r llun,
Dechrau'n gynnar - Wil, sy'n wyth wythnos oed, yn ei steddfod cyntaf gyda'i dad Prys Evans

Cerflun o bren o'r chwaraewr rygbi Gareth Edwards yn cael ei greu gan Edward Parkes — Disgrifiad o’r llun,
Pwyll piau hi... Edward Parkes yn gorffen ei gerflun pren o'r arwr rygbi Gareth Edwards

Pedwar o bobl ifanc gyda hetiau haul ar y Maes — Disgrifiad o’r llun,
Eisteddfod yr 'hetiau bwced' - gyda gigs Maes B yn dechrau ar ddydd Mercher mae'r pedwar yma o Langefni wedi dod i'r brif faes cyn i'r noson gychwyn

Dau o blant ifanc, un gyda het haul a chrys T Cymru, Lloegr a Llanrwst — Disgrifiad o’r llun,
Er gwaetha'r het, fydd Lleucu - nac Elsi - yn mynd i Faes B eleni

Hefyd o ddiddordeb: