Lluniau Dydd Sadwrn: Eisteddfod Ceredigion
- Cyhoeddwyd
Mae'r Eisteddfod Genedlaethol yn ôl wedi dwy flynedd yn sgil pandemig Covid-19, ac yn Nhregaron mae'r brifwyl eleni.
Dyma rai o'r golygfeydd o'r Maes ar ddiwrnod cynta'r ŵyl.
Erin o Fryniwan ger Caerfyrddin yn helpu Taid gyda'r troli.
Elliw, saith oed, o Lambed yn mwynhau bownsio rownd y Maes.
Benji o Gaerdydd yn eistedd ar un o eliffantod Tregaron.
Dewi, pump oed o Ddihewyd ger Llambed yn rhoi cynnig ar y wal ddringo.
Côr Ysgol Gerdd Ceredigion yn diddanu ar Lwyfan y Maes
Wnaeth y glaw ddim atal torfeydd rhag dod i'r Maes.
Ina a'i brawd bach Euros o Lanidloes yn mwynhau'r cinio ar y Maes.
Iwan Rhys ar lwyfan y Babell Lên ar gyfer rownd derfynol Talwrn y Beirdd rhwng Dros yr Aber a Crannog.
Ciw o bobl ar eu ffordd fewn i glywed dyfarniad cystadleuthau'r bandiau pres.
Y gynulleidfa wrth eu bodd yn sioe boblogaidd Cyw.
Merin yn fodlon wrth Bar Williams Parry - bar newydd Maes yr Eisteddfod.
Codi gwên yn stondin Undeb Amaethwyr Cymru; Dylan, Iwan, Elinor ac Elis.
Ar ddiwedd diwrnod hir o Eisteddfota, cyfle am ddiod bach gyda ffrindiau.
Brychan Llŷr, prif leisydd y band Jess yn cloi arlwy'r dydd ar Lwyfan Radio Cymru.
Eädyth yn canu yn y Pafiliwn gyda Mr Phormula, Izzy Morgana, Band Pres Llareggub, Afro Cluster a Tara Bandito.
Hefyd o ddiddordeb: