BBC Cymru Fyw
Mae'r llif byw yma'n dod i ben.
Cliciwch yma am y diweddara' am y tanau dros Gymru yn ystod y dydd.
Dilynwch y diweddara' ar ein cyfrifon Twitter, dolen allanol a Facebook, dolen allanol yn ogystal.
Gwasanaeth Tân ac Achub Gogledd Cymru
Mae Gwasanaeth Tân ac Achub Gogledd Cymru wedi diweddaru eu datganiad am y tanau y bore 'ma, gan ddweud nad oes pobl wedi eu symud o'u cartrefi eto, ond eu bod wedi paratoi i wneud hynny.
Bethesda: Tua 30 o gartrefi wedi eu paratoi i symud, cyngor i bobl gadw drysau a ffenestri ynghau.
Carmel: Criwiau'n dal i fod yno, wrth i'r tân gryfhau eto y bore 'ma. Mae tua 15 o deuluoedd wedi paratoi i adael.
Bangor: Y tân wedi ei ddiffodd ddoe ond criwiau'n parhau i fonitro'r sefyllfa.
BBC Radio Cymru
Bydd rhaglen Taro'r Post yn trafod y diweddaraf am y tanau dros Gymru am 13:00, ac hefyd yn trafod y problemau eraill sy'n codi oherwydd y sychder anarferol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Heddlu Gogledd Cymru
Er nad ydy'r gwasanaeth tân wedi cadarnhau achos y tanau sydd wedi bod yn llosgi yng ngogledd Cymru hyd yn hyn, mae Heddlu Gogledd Cymru wedi dweud nad oes unrhyw un wedi eu harestio mewn cysylltiad â'r digwyddiadau.
Ffynhonnell y llun, Simon Murray
Ffynhonnell y llun, Simon MurrayBBC Cymru Fyw
Mae'r tân wedi gadael ei farc yn glir yng Ngharmel, lle mae diffoddwyr yn parhau i weithio.
Diolch i Lisa Jones am y llun.
Ffynhonnell y llun, Lisa JonesBBC Cymru Fyw
Mae gohebydd y BBC, Stephen Fairclough wedi rhannu fideo o'r tân gwair yma uwchben Maerdy a Glynrhedynog.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Parc Cenedlaethol Eryri
Mae pennaeth cadwraeth gyda Pharc Cenedlaethol Eryri wedi apelio ar bobl i gymryd gofal gyda beiciau modur, barbeciws, sigaréts a gwydr - sydd i gyd yn gallu achosi tanau.
"Rydyn ni'n pryderu am nifer y tanau sy'n dechrau yn y parc mor gynnar yn yr haf," meddai Rhys Owen.
"Mae goblygiadau i fywyd gwyllt, cnydau a choedwigoedd."
Dywedodd y byddai'r tanau yn effeithio adar ifanc, ymlusgiaid ac anifeiliaid fferm: "Pan mae'r mwg trwchus yn dechrau gyda lot o wres a fflamau, maen nhw'n dychryn a ddim yn symud fel y dylen nhw, ac maen nhw'n gallu cael eu dal ynddyn nhw."
Twitter
Mae Gwasanaeth Tân ac Achub Gogledd Cymru newydd apelio i bawb gymryd gofal ychwanegol.
Yn ôl eu datganiad, mae'r tanau gwyllt yn ardaloedd Carmel, Mynydd Cilgwyn a Braichmelyn yn rhoi straen arbennig ar eu gwasanaethau, ac felly maen nhw'n erfyn ar y cyhoedd i gymryd gofal pan allan yn y wlad yn ystod y tywydd sych.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Twitter
Diolch i Ian Thomas am yrru'r fideo trawiadol yma o'r digwyddiad yng Ngharmel neithiwr.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Mae dau griw a cherbyd 4x4 wedi eu galw i Frynithel ger Abertyleri'r bore 'ma i dân coed.
Dywedodd Gwasanaeth Tân ac Achub Gorllewin a Chanolbarth Cymru eu bod hefyd wedi eu galw yn ôl i Ben-bre, lle mae mawn wedi ailgynnau.
BBC Cymru Fyw
Mae mwy o luniau wedi ein cyrraedd o ardal Braichmelyn y bore 'ma.
Mae criwiau tân yn dal i fod ar y safle, ac mae ffyrdd yn dal i fod ar gau.
Gwasanaeth Tân ac Achub Gogledd Cymru
Dywedodd Stuart Millington o Wasanaeth Tân ac Achub Gogledd Cymru bod criwiau wedi bod yn delio gydag amrywiaeth o danau gwair a choedwig dros y 24 awr ddiwethaf.
Mewn "amodau anodd iawn dros nos", dywedodd bod criwiau wedi llwyddo i ddiffodd y fflamau ym Methesda, ond yn parhau i dampio'r ardal.
Dywedodd bod criwiau'n dal i ddelio gyda digwyddiad tebyg yng Ngharmel.
"Rydyn ni'n annog pobl os ydyn nhw allan yn yr awyr agored i fod yn ofalus i beidio â gollwng unrhyw ddeunydd ysmygu, i beidio defnyddio barbeciw neu danau gwersylla achos yn sydyn iawn gall tân ddechrau a datblygu tan ein bod mewn sefyllfa lle mae llawer o adnoddau o dros ogledd Cymru yn cael eu galw i ddigwyddiad all fod wedi ei osgoi."
BBC Cymru Fyw
Ar raglen Good Morning Wales, mae Prif Ymgynghorydd Tân ac Achub Cymru, Andy Fry, wedi dweud bod cymorth gan y fyddin yn gallu bod yn "ddefnyddiol iawn" ac yn "rhywbeth sy'n sicr yn cael ei ystyried".
Ychwanegodd bod y tywydd sych a gwyntoedd cryf "wir yn creu her yn nhermau'r cyflymder y mae'r tanau yma'n lledaenu".
Dywedodd y gallai ei gydweithwyr dros Gymru fod yn "hyderus bod pa bynnag adnoddau sydd eu hangen i ddelio gyda'r tanau gwyllt yma, yn cael eu darparu iddyn nhw".
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Yn ne Cymru, mae dau griw yn ceisio diffodd tan gwair dros sawl erw ym Mherthcelyn, Aberpennar.
Yn ogystal mae criwiau yng Nglynrhedynog a Maerdy yn monitro tanau ddigwyddodd ddoe.
Ffynhonnell y llun, @RhiCCFCBBC Cymru Fyw
Mae ein gohebydd yng Ngharmel, Sion Tecwyn, yn dweud bod y tân yn dal i fudlosgi dros fwy na milltir.
Mae'n dweud bod criwiau dal ar y safle, a bod y tân wedi dod o fewn llathenni i sawl cartref.
BBC Cymru Fyw
Roedd mwg i'w weld yn codi o goedwig ger Bethesda fore Mawrth.
Mae'r gwasanaeth tân wedi dweud bod y digwyddiad dan reolaeth erbyn hyn.
Heddlu Gogledd Cymru
Yn y cyfamser, mae'r gwasanaethau brys yn delio gyda thân arall yn ardal Braichmelyn, Bethesda.
Cafodd criwiau eu galw am tua 03:00.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Tân yn gorfodi pobl o'u tai
BBC Cymru Fyw
Roedd y tân i'w weld yn glir am filltiroedd neithiwr.
Dywedodd Lisa Jones sy'n byw yng Ngharmel wrth BBC Cymru Fyw nad ydy hi "erioed wedi gweld tân debyg i hyn o'r blaen".
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.