Twitter

Er gwaethaf adroddiadau mewn rhai ardaloedd bod pobl yn dal i deithio yno o bell, mae Heddlu'r Gogledd ar y cyfan yn fodlon gyda'r ymateb gan y cyhoedd.

S4C

Twitter

Ond ar llaw arall mae son nawr am Gymry sy'n sownd mewn rhannau eraill o Beriw, felly mae ymgyrch i'w cludo adref yn parhau.

Twitter

Ry'n ni wedi rhoi cryn sylw i helynt Ffred a Meinir Ffransis sydd wedi bod yn sownd ym Mheriw ers pythefnos oherwydd yr argyfwng coronafeirws.

Daw'r diweddaraf gan Ffred ei hun mewn trydariad brynhawn ddoe.

BBC Radio Cymru

Mae trafodaethau'n cael eu cynnal er mwyn caniatau i ffoaduriaid sydd wedi cymhwyso fel meddygon i gynorthwyo'r GIG yng Nghymru yn ystod y pandemig coronafeirws.

Roedd y Parchedig Aled Edwards o Cytun yn siarad ar y Post Cyntaf, gan egluro y byddai golygu cyflogi meddygon ar lefel F1-F2, sydd gyfystyr â myfyriwr meddygol ail flwyddyn ymlaen.

Yn ôl Mr Edwards mae rhwng 21 a 27 o ffoaduriaid yng Nghymru sydd "yn barod i gyfrannu yn syth os fydd y cynllun yn cael y golau gwyrdd".

Mae Llinos Patchell a'i mab Gruff yn ceisio rhoi gwen ar wynebau cymdogion yn ystod yr argyfwng coronafeirws.

Mae'n eu cadw nhw a'r plant yn bositif mewn cyfnod anodd.

Mae'r Gweinidog Addysg a chyn arweinydd y Democratiaid Rhyddfrydol yng Nghymru, Kirsty Williams wedi bod yn siarad am salwch y cyn AC William Powell.

Dywedodd Ms Williams: "Bydd llawer wedi gweld y newyddion fod William Powell yn derbyn triniaeth yn yr ysbyty am Covid-19.

"Rwyf i, y teulu Democratiaid Rhyddfrydol yng Nghymru a llawer mwy yn cadw William, ei wraig a'u dau fab yn ein calonnau a'n gweddiau yn y cyfnod yma.

"Gall y feirws yma effeithio ar unrhyw un.”

Plaid Cymru

Mae Plaid Cymru yn galw am ddileu dyled myfyrwyr i'r rhai sy'n astudio meddygaeth, nyrsio neu gofal ac sydd yn y rheng flaen wrth geisio taclo coronafeirws.

Yr wythnos ddiwethaf dywedodd Llywodraeth Cymru y byddai myfyrwyr meddygol ar eu blwyddyn olaf, myfyrwyr nyrsio a myfyrwyr gofal yn cael cynnig gweithio dros dro yn y frwydr yn erbyn y feirws.

Mae disgwyl cyhoeddiad gan Lywodraeth Cymru am becyn newydd o gymorth ariannol i fusnesau yn ystod argyfwng coronafeirws.

Fe fydd y manylion yn cael eu cyhoeddi gan y Prif Weinidog Mark Drakeford yn nes ymlaen heddiw.

Ffynhonnell y llun, Getty Images

BBC Radio Wales

Mae Prif Swyddog Meddygol Cymru, Dr Frank Atherton wedi bod yn siarad ar Radio Wales bore 'ma, a dyma oedd ganddo i ddweud.

"Bwriad ymbellhau cymdeithasol yw atal ymlediad yr haint. Y broblem yw, unwaith ydych chi'n codi'r gwaharddiadau mae'r feirws yn gallu dychwelyd.

"Yr her fydd gweithio allan pa fesurau allwn ni eu codi ac ym mha drefn, ac i fod yn onest bydd hynny'n broses 'trial and error'.

"Rwy'n amau y byddwn ni'n codi gwaharddiadau mewn rhai mannau a ddim mewn eraill, ond o bosib yn ailosod mesurau os yw'r feirws yn codi ei ben eto.

"Mae'n rhywbeth na allwn ni ddatrys yn sydyn, ac fe all gymryd tri neu chwe mis...falle hirach."

Post Cyntaf
BBC Radio Cymru

Bydd y Post Cynta ar Radio Cymru yn ymestyn eto y bore 'ma tan 09:00. Bydd Dr Dai Lloyd yn ateb eich cwestiynau meddygol, ac Alison Farrar i son am y pryderon bod pobl yn cael eu twyllo yn ystod y cyfnod yma.

Cysylltwch hefyd gyda eich sylwadau am ohirio Eisteddfod Ceredigion. Cofiwch gysylltu. 03703 500500 neu Post.Cyntaf@bbc.co.uk

Mae trefnwyr yr Eisteddfod Genedlaethol wedi cyhoeddi y bydd Prifwyl Ceredigion 2020 yn cael ei gohirio yn sgil argyfwng coronafeirws.

Y bwriad nawr yw cynnal y Brifwyl yn Nhregaron ym mis Awst 2021.

Yna bydd Eisteddfod Genedlaethol Llŷn ac Eifionydd yn symud i Awst 2022, gyda'r Eisteddfod yn Rhondda Cynon Taf yn cael ei chynnal yn 2023.

BBC Cymru Fyw

Croeso i'r llif byw ar fore Llun, 30 Mawrth.

Fe fyddwn ni yma drwy'r dydd gyda'r diweddara' am yr argyfwng coronafeirws yng Nghymru a thu hwnt.

Bore da i chi.